30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Խաչատուր Սուքիասյանին և Գուրգեն Արսենյանին ԱԺ բերելը Փաշինյանի խոստման խախտում է. Մարուքյան. ՏԵՍԱՆՅՈՒԹ
Քաղաքականություն
25.05.2021 | 16:00
Հատուկ անակնկալներ չունենք, մենք մեր թիմով, մեր ռեսուրսներով գնում ենք ընտրության, բոլորին գիտեք՝ ովքեր կլինեն: Այս մասին ԱԺ-ում լրագրողների հետ ճեպազրույցի ժամանակ նշեց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով հարցին, թե ինչ ցուցակով են գնալու ընտրությունները:
Նա նաև նշեց, որ ԼՀԿ ցուցակում կլինեն նաև ոչ կուսակցության անդամներ. «Մենք միշտ տեղ ենք տվել մարդկանց, որոնք կուսակցական չեն, բայց ինչ-որ ոլորտում ունեն գիտելիքներ, փորձ: Բայց նրանք հիմնականում ոչ հանրային դեմքեր են: Գործարարներ մեր ցուցակում չկան: Չենք էլ ունեցել բանակցություններ»,- ասաց Մարուքյանը:
Դիտարկմանը, որ իշխող ուժի ցուցակում լինելու են գործարարներ, այդ թվում՝ Խաչատուր Սուքիասյանը, Գուրգեն Արսենյանը, և այդ մասին արդեն հայտարարվել է, Մարուքյանն ասաց. «Ես 5-րդ գումարման խորհրդարանից կարող եմ օրինակներ բերել, որ երբ ընդդիմությունը և քաղհասարակությունը քննադատում էին իշխանություններին, որ գործարարներին բերում եք խորհրդարան, և երկրում բիզնեսը և քաղաքականությունը տարանջատված չեն: Հեղափոխության խոստումներից մեկն էր՝ տարանջատել բիզնեսը և քաղաքականությունը: Եթե գործարարներ բերեն խորհրդարան, դա հեղափոխության խոստումներից ևս մեկի դրժում կլինի և հետընթաց մի քանի ձեռքբերումների փշրանքներից:
Այն ձեռքբերումները, որ եղել են հեղափոխությունից հետո, դրանցից միայն փշրանքներ են մնացել, որովհետև արդեն խոսակցություն կա, որ ընտրակաշառք է լինելու տարբեր ուժերի կողմերից, փող են տալու ձայնի համար: Ակնհյատ է՝ որ կողմերից կարող են փող բաժանել: Միշտ կարող են փող բաժանել իշխանությունները և այն ուժերը, որոնք անսահմանափակ ռեսուրսներ ունեն: Այս մասով էլ իշխանությունը պետք է ցույց տա՝ ունի՞ կամք՝ թույլ չտալու, որ ընտրակաշառքը տեղ գտնի առաջիկա ընտրություններում»:
Մանրամասները՝ տեսանյութում:
