18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Շատ լարված իրավիճակ է. Հրաչյա Հակոբյան. ՏԵՍԱՆՅՈՒԹ
Քաղաքականություն
25.05.2021 | 13:19
Այդ ուղղությամբ մեծ թվով գործողություններ են իրականացվում: Ինչ է նշանակում հետ շպրտել, բնականաբար մենք չենք ցանկանում այդ գործընթացն իրականացնել ուժ կիրառելով, դիվանագիտական ճանապարհով տեսնում ենք, որ աշխատանք արվում է»,- այս մասին լրագրողների հետ զրույցում նշեց «Իմ քայլը» խմբակցության պատգամավոր Հրաչյա Հակոբյանը՝ անդրադառնալով դիտարկմանը, որ ադրբեջանական զինվորականները Հայաստանի պետական սահմանն անցնել են և արդեն 14 օր է այստեղ են:
Անդրադառնալով հարցին՝ ՀԱՊԿ ապտակը Հայաստանում մարսեցի՞ն, թե՞ ոչ՝ հաշվի առնելով, որ գործնական քայլեր չարվեցին ՀԱՊԿ-ի կողմից, թեև Հայաստանը, բացի խորհրդատվություն ստանալու խնդրանքից, դիմեց նաև ռազմական աջակցություն ստանալու ակնկալիքով, բայց Հայաստանին առաջարկվեց դեմարկացիա և դելիմիտացիա իրականացնել, Հրաչյա Հակոբյանը նշեց. «Ես դա չէի գնահատի որպես ՀԱՊԿ ապտակ, միայն չեն ասում՝ եկեք սահմաններ որոշենք իրար հետ, գործընթացը շարունակվում է, քննարկումները շարունակվում են, և ես չեմ կիսում մոտեցումը՝ ՀԱՊԿ ապտակ արտահայտության հետ կապված: Բանակցությունները շարունակվում են»: Բոլորս ենք հասկանում՝ ինչ լարված իրավիճակ է, ինչքան նուրբ իրավիճակ է, ինչի հետ գործ ունենք, և այդպիսի հարցադրումներ հնչեցնել, թե դա ՀԱՊԿ ապտակ է, կոռեկտ չեմ համարում»:
Լրագրողի այն դիտարկմանը, որ ասվում է՝ բանակցություններ են տարվում, բայց դրանից Հայաստան ներխուժած ադրբեջանցի զինվորականների թիվը չի պակասում, պատգամավորն արձագանքեց. «Այո, չի պակասում, բայց որոշ հարցադրումների դեպքում փորձում են ներկայացնել այնպես, որ ավելացել է, բայց չի ավելացել»։
Անդրադառնալով հարցին, որ Հայաստանի տարածքում ադրբեջանցիներն ամրաշինական աշխատանքներ են իրականացնում, պատգամավորն ասաց. «Նման տեղեկություն չունեմ։ Այդ տեղեկությունները հավաստի չեն»:
Մանրամասները՝ տեսանյութում:
