18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Ընդդիմությունը պետք է բացառի Փաշինյանի հետ համագործակցությունը․ Իշխան Սաղաթելյան. ՏԵՍԱՆՅՈՒԹ
Քաղաքականություն
25.05.2021 | 13:06
Իրարից տարբեր գաղափարախոսություն ունեցող քաղաքական ուժերը, եթե մեկ ցուցակով մասնակցեին ընտրության, այդ միավորումը չէր ստացվելու: Այս մասին այսօր հրավիրված ասուլիսում նշեց ՀՅԴ Հայաստանի Գերագույն մարմնի անդամ, «Հայաստան» դաշինքի ներկայացուցիչ Իշխան Սաղաթելյանը՝ պատասխանելով դիտարկմանը, որ ընդդիմությունը միասնական չեղավ, և երբ հայտարարվեց արտահերթ ընտրություն, բոլորը գնացին Փաշինյանի խաղի կանոններով, այսինքն՝ պատրաստվում են ընտրությունների։
«Շատ կարևոր է, որ ընտրությանը մասնակցող քաղաքական ուժերը, ընդդիմադիր դաշտի իրական ուժերը շատ հստակ հայտարարեն, որ որևէ պարագայում գործող իշխանության հետ չեն համագործակցելու։
Մենք երբ փողոցում պայքարում էինք և ասում, որ ստեղծված իրավիճակից ելքը վարչապետի պաշտոնանկությունն է, շատ քաղաքական ուժեր ասում էին՝ խնդիրը պետք է լուծվի ընտրությունների միջոցով։ Հիմա, երբ վաղը ցուցակները ԿԸՀ ենք ներկայացնելու, հայտարարում են, որ ընտրությունը ելք չի։ Այդ դեպքում ո՞րն է ելքը․ թողնենք, որ էս մարդը շարունակի պաշտոնավարել և երկիրը վերջնականապես տանի անդունդ և կործանո՞ւմ։ Հիմա նրանք, ովքեր ասում են՝ ընտրությունը ելք չի, պետք է առաջարկեն՝ բա ո՞րն է ելքը։ Եթե իրենք տեսնում են, որ ելքը՝ պետք է էս իշխանությունը շարունակի պաշտոնավարել, մենք էդ ելքը չենք տեսնում, պետք է րոպե առաջ ընտրությունների միջոցով հեռացնենք նրանց։
Երբ որ խոսում ենք՝ ընդդիմադիր դաշտը միասնական չէ, այդ դաշտը պետք է ընտրությանը մասնակցի «Առանց Նիկոլ Հայաստան» կարգախոսով։ Եթե այս իմաստով մեր թիրախն ինքն է և չարիք է այս կառավարությունը, պետք է հեռանա, թող հայտարարեն՝ գնանք էս ճանապարհով, ազատվենք էս իշխանությունից և երկիրը բերենք բնականոն զարգացման»»,- նշեց Իշխան Սաղաթելյանը։
Մանրամասները՝ տեսանյութում:
