17.09.2026 | 10:29
Արտարժույթների փոխարժեքները՝ սեպտեմբերի 17-ի դրությամբ
Դժվար է տարանջատել` Խաչատուր Սուքիասյանը գործարար է, թե՞ քաղաքական գործիչ. Հրաչյա Հակոբյան. ՏԵՍԱՆՅՈՒԹ
Քաղաքականություն
25.05.2021 | 12:34
Իմ կարծիքով՝ դժվար է տարանջատել՝ Խաչատուր Սուքիասյանը գործարա՞ր է, թե՞ քաղաքական գործիչ: Այս մասին Ազգային ժողովում լրագրողների հետ զրույցում ասաց ԱԺ «Իմ քայլը» խմբակցության պատգամավոր Հրաչյա Հակոբյանը՝ անդրադառնալով դիտարկմանը, որ 2018 թվականին Ազգային ժողովում Նիկոլ Փաշինյանը հայտարարել էր՝ իրենց համար ուղենշային է լինելու քաղաքականության ու բիզնեսի տարանաջատումը, մինչդեռ Խաչատուր Սուքիասյանը արտահերթ խորհրդարանական ընտրություններին մասնակցելու է ՔՊ ցուցակով:
«Սուքիասյանների ընտանիքը չորս եղբայր են, ամենքն ունեն մի ոլորտի բիզնես, այդ թվում, միգուցե, Խաչատուր Սուքիասյանն ունի մի բիզնես, որը հանձնված է կառավարման, ես մանրամասներին չեմ տիրապետում, բայց, ըստ իս, Խաչատուր Սուքիասյանը շատ ավելի երկար տարիներ զբաղվել է քաղաքականությամբ», – ասաց նա։
Պատգամավորի խոսքով՝ Սուքիասյանն անգամ հետապնդվել է իր քաղաքական հայացքների համար։ «Այնպես որ, իմ կարծիքով, այդ պահի դրությամբ դժվար է ասել՝ Խաչատուր Սուքիասյանը քաղաքական գործի՞չ է, թե՞ գործարար»,- նշեց Հակոբյանը։
Նշենք, որ 2018-ին իշխանափոխությունից հետո Խաչատուր Սուքիասյանը հայտարարել էր, որ չի ցանկանում զբաղվել քաղաքականությամբ:
Մանրամասները՝ տեսանյութում:
