22.01.2026 | 22:01
ՌԴ պետությունից՝ ռուս գործարարին․ ում է անցել Երևանի մաթեմատիկական մեքենաների գիտահետազոտական ինստիտուտը
ԱՄՆ պատժամիջոցների պատճառով Ռուսաստանն ավելի քան 3 մլրդ դոլարի ռազմական գործարք է կորցրել. Պետդեպ
Քաղաքականություն
21.02.2018 | 13:55
Ռուսաստանն ավելի քան 3 մլրդ դոլարի ռազմական պայմանագրեր է կորցրել ԱՄՆ կիրառած նոր պատժամիջոցների պատճառով՝ «ԱՄՆ-ի հակառակորդներին հակազդելու մասին» օրենքի շրջանակներում։ Այս մասին հայտնել է Պետդեպի խոսնակ Հիզեր Նաուերթը. փոխանցում է zn.ua-ն:
«Որոշ երկրներ դադարեցրել են որոշակի ապրանքների և արտադրանքի գնումը: Մենք կարծում ենք, որ կարողացանք չեղարկել ավելի քան $ 3 մլրդ դոլարի գործարք: Նման պայմանագրերի դադարեցումը, ըստ էության, պատիժ է: Ինչո՞ւ: Որովհետև դա նշանակում է, որ ավելի քիչ գումար է մուտք գործում ռուսական բյուջե: Այսպիսով սա կարելի է հաջողություն համարել Ռուսաստանին պատասխանատվության ենթարկելու առումով», – ասել է Նաուերթը:
Պետդեպարտամենտի խոսնակը նաև հավելել է, որ ԱՄՆ-ը կապ է հաստատում գործընկեր երկրների հետ, որոնք պայմանագրեր ունեն Ռուսաստանի հետ՝ նախազգուշացնելու համար օրենքի գործողության մասին։
