18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Սելֆի անելը չի նշանակում, որ սահմանամերձ գյուղի տեղը գիտեք. Սոֆյա Հովսեփյանը՝ «Իմ քայլին». ՏԵՍԱՆՅՈՒԹ
Քաղաքականություն
25.05.2021 | 11:15
ԱԺ-ում քննարկվում է «Սահմանամերձ համայնքների սոցիալական աջակցության մասին» օրենքում լրացում կատարելու և «Գնումների մասին» օրենքում լրացում կատարելու մասին օրենսդրական փաթեթը լիագումար նիստերի օրակարգ ներառելու հարցը։ Փաթեթին, որը հեղինակել են «Իմ քայլը» խմբակցությունից դուրս եկած պատգամավորներ Սոֆիա Հովսեփյանը, Աննա Գրիգորյանը և Թագուհի Թովմասյանը, դեմ արտահայտվեցին «Իմ քայլի» պատգամավորները:
Սոֆյա Հովսեփյանին վրդովեցրել էր «Իմ քայլից» Գևորգ Պապոյանի գնահատականը. «Պարոն Պապոյան, մի հատ լավ մտածեք, թե ում մասին եք խոսում»:
Հիշեցնենք՝ Գևորգ Պապոյանը հայտարարել էր. «Հայաստանում կան օլիգարխ հողատերեր, որոնք ՀՀ տարբեր տարածքներում հարյուրավոր հեկտարներով հողեր ունեն, և այս օրենքը չի վերաբերում սահմանամերձ գյուղերի բնակիչներին, այլ վերաբերում է նրանց թալանելուն»։
«Եթե ես երբևէ եղել եմ նման գործընթացում, ինչպես եղել եք դուք և շատերդ, ուրեմն ասեիք այդ մասին,-նշեց Հովսեփյանը:- Եթե ոչ, ուրեմն այլևս չհամարձակվեք ձեզ թույլ տալ ինձ ներառել նման գործընթացում։ Նախկին գործընկերներիս, ում հետ ճանապարհ եմ կիսել, ասեմ․ երբ պատերազմի օրերին հայտնվում էիք սահմանամերձ գյուղերում ու «սելֆիներ» անում, դա դեռ չի նշանակում, թե սահմանամերձ գյուղերի տեղը գիտեք։ Իսկ ես արդեն յոթ տարի ամեն ամիս լինում եմ սահմանամերձ գյուղերում և աջակցման ծրագրերի եմ մասնակցում»։
Մանրամասները՝ տեսանյութում:
