19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Առինջի ՔՊ-ական համայնքապետն աշխատանքի ժամին կուսակցության գրասենյակը կահավորելո՞վ է զբաղված
Քաղաքականություն
24.05.2021 | 17:58
Այսօր աշխատանքային ժամին՝ 15:00-ի սահմաններում, Առինջի համայնքապետի պաշտոնակատար Հայկ Մկրտչյանը Ֆեյսբուքի իր էջում լուսանկարներ է հրապարակել, որոնցից պարզ է դառնում, որ «Քաղաքացիական պայմանագիր» կուսակցության գրասենյակի ապակիներին ՔՊ-ի տարբերանշանով պաստառներ են փակցվում:
Factor.am-ը կապ հաստատեց ՔՊ-ական Հայկ Մկրտչյանի հետ՝ մեկնաբանություն ստանալու, թե ինչու է աշխատանքային ժամին կուսակցական գործունեությամբ զբաղված: Համայնքապետի պաշտոնակատարը, սակայն, հրաժարվեց մեր հարցերին պատասխանել՝ պատճառաբանելով. «Ձեր դեմքը չեմ տեսնում»:
Հայկ Մկրտչյանին հիշեցրինք՝ ներկայացել ենք որպես լրագրող։ «Ես էլ կարող եմ ասել, որ Հռոմի պապն եմ»,- արձագանքեց համայնքապետն ու անջատեց հեռախոսը:
Որոշեցինք ՔՊ-ական Հայկ Մկրտչյանին զանգահարել «Viber» հավելվածի տեսակապի միջոցով, որպեսզի տեսնի իրեն զանգահարող լրագրողի դեմքը և պատասխանի հարցերին, սակայն նա չպատասխանեց մեր զանգին: Փաստորեն, ստացվում է, որ թափանցիկ և հաշվետու կառավարում խոստացած Փաշինյանի թիմակից Հայկ Մկրտչյանը բաց աշխատանքի կողմնակից չէ:
Նարեկ Կիրակոսյան
