22.01.2026 | 17:27
Ջոկովիչը մտածում է «Մեծ սաղավարտի» 25-րդ տիտղոսի մասին․ «Հավատում եմ իմ ուժերին»
Հրայր Թովմասյանը, ՀՀԿ-ականները, երբ ասում են՝ կարմիր, երբեմն նկատի են ունենում սև, սպիտակ, նարնջագույն, երբեմն էլ՝ բազկաթոռ․ Նիկոլ Փաշինյան
Քաղաքականություն
21.02.2018 | 11:51
«4+4+4 ընտրակարգի շուրջ երբեք կոնսենսուս չի եղել»,- հայտարարում է ԱԺ «Ելք» խմբակցության ղեկավար Նիկոլ Փաշինյանը՝ հակադարձելով ԱԺ փոխնախագահ Արփինե Հովհաննիսյանին․ «Ես շատ լավ հիշում եմ, որ կոնսենսուս եղել է Եվրամիության կողմից հատկացված գումարները ծախսելու ուղղությունների շուրջ, սակայն ընտրական կարգի շուրջ կոնսենսուս չի եղել»։
Փաշինյանը նշեց, երբ հղում են տալիս Սահմանադրությանը, ասելով որ Սահմանադրության մեջ հստակ գրված է, ընտրական կարգ կա, պետք չէ այդքան վստահ լինել, որ գործում է․ «Մենք չպետք է այդքան «ուվերեննի» լինենք, թե ինչ է գրված Սահմանադրության մեջ, որովհետև էն ինչ գրված է Սահմանադրության մեջ գիտեն շատ նեղ շրջանակի մարդիկ։ Եվ եթե նրանք գրել են համամասնական, դա դեռ չի նշանակում, որ նկատի են ունեցել համամասնական, միգուցե նկատի են ունեցել մեծամասնական»։
Իր այս պնդումը հիմնավորելու համար Փաշինյանը կոչ արեց հետևել մամուլի հրապարակումներին․ «Հրայր Թովմասյանը, ՀՀԿ-ականները, երբ ասում են՝ կարմիր, երբեմն նկատի են ունենում սև, սպիտակ, նարնջագույն, երբեմն էլ՝ բազկաթոռ»։
