30.06.2026 | 11:35
ԱՄՆ-ի և Իրանի բանակցողները մեկնում են Դոհա, սակայն հանդիպումը հաստատված չէ
Եթե ամեն օր ադրբեջանական զինուժը մեծանա ՀՀ տարածքում, էլ ի՞նչ ընտրությունների մասին է խոսքը․ Էդմոն Մարուքյան․ՏԵՍԱՆՅՈՒԹ
Քաղաքականություն
23.05.2021 | 14:41
Մեր դիրքորոշումը միանշանակ է, Ադրբեջանի զորքերը պետք է դուրս գան ՀՀ տարածքից: Այս մասին «Լուսավոր Հայաստան» կուսակցության 3-րդ համագումարին հայտարարեց կուսակցության նախագահ Էդմոն Մարուքյանը:
«Ինչ վերաբերում է սահմանային խնդիրներին, ապա այո, դրանք կարող ենք քննարկվել ապագայում, բայց դրանք չեն կարող քննարկվել բռնության, սպառնալիքի, զենքի, ուժի, ներքո: Մեզ առաջարկում են` ինքնաձիգը դնել մեր գլխին եւ մեր գլխին դրած քննարկել, թե սա մեր սահմանն է, թե ձեր սահմանն է: Եւ ամբողջ աշխարհով մեկ մենք աղաղակում ենք, տեղեկացնում ենք, մեր գործընկերներին իրազեկում ենք, որ չի կարող լինել մի իրավիճակ, որ ինքնաձիգը մեր գլխին դնեն եւ մեզ ասեն, թե եկեք քննարկենք, թե որս որտեղ ենք կանգնելու: Չի կարող նման բան լինել»,- ասաց նա:
Մարուքյանը նշեց, որ չի բացառում, որ ոչ մի ընտրություն էլ տեղի չունենա․ «Եթե ադրբեջանցի զինվորների քանակը շատանա, ի՞նչ ընտրությունների մասին է խոսքը գնալու, ի՞նչ ընտրությունից ենք խոսելու»։
Մանրամասները՝ տեսանյութում։
