26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
ՀԱՄԱՍ-ը շնորհակալություն է հայտնել Իրանին ֆինանսավորման համար
Քաղաքականություն
21.05.2021 | 19:42
Գազայի հատվածը վերահսկող ՀԱՄԱՍ շարժման քաղաքական բյուրոյի ղեկավար Իսմայիլ Հանիան շնորհակալություն է հայտնել Իրանի իշխանություններին առափնյա անկլավ զենք մատակարարելու և ֆինանսական աջակցության համար: Այս մասին ուրբաթ օրը հաղորդել է պաղեստինյան «Դոնիա Ալ-Վաթան» ռադիոկայանը, գրում է ՏԱՍՍ-ը:
«Մենք շնորհակալություն ենք հայտնում բոլորին, ովքեր սատարել են ՀԱՄԱՍ-ին և Պաղեստինի ժողովրդի որդիներին: Մենք շնորհակալություն ենք հայտնում Եգիպտոսին, Քաթարին, ՄԱԿ-ին: Մենք նաև շնորհակալություն ենք հայտնում Իրանին, որը չի խնայել ֆինանսական աջակցությունը և ռազմավարական զենքի մատակարարումը ՀԱՄԱՍ-ի համար», – ասել է նա:
Հիշեցնենք՝ մայիսի 10-ից Գազայի հատվածում գործող ՀԱՄԱՍ խմբավորումն ու իսրայելական բանակը հրթիռային հարվածներով են փոխանակվել: Վերջին տվյալների համաձայն, Գազայում զոհերի թիվը հասել է 243 պաղեստինցու, վիրավորվել է 1910 մարդ: Ընդհանուր առմամբ, պաղեստինյան տարածքներում, այդ թվում ՝ Հորդանան գետի ափին, հակամարտության զոհ է դարձել շուրջ 270 մարդ: Իսրայելական կողմից զոհվել է առնվազն 12 մարդ (ինը իսրայելցի և երեք օտարերկրացի):
Տաթև Ֆռանգյան
