18.05.2026 | 19:00
Փաշինյանը չպիտի պրովոկացիաներին տրվի, փայլուն գիտի՝ ՌԴ-ն ինչեր է ծրագրել իր սատելիտ ուժերի միջոցով․ Աղասի Թադևոսյան
Թասիբը գցել են շանը, շունը չի կերել, թույլ մի տվեք՝ ձեր թասիբը ոտնատակ տան. Հովսեփյանը՝ «Իմ քայլին»․ ՏԵՍԱՆՅՈՒԹ
Քաղաքականություն
20.05.2021 | 20:33
«Ինչպե՞ս եք ձեզ զգում երեկվա տեսանյութից հետո: Որևէ կերպ ձեր արժանապատվությունը շարժվե՞ց, ձեր թասիբին կպա՞վ, թե՞ չէ: Ինձ հետաքրքիր է, որևէ կերպ հասկացա՞ք՝ ինչ է տեղի ունեցել, թե չէ: Գիտեմ՝ շատերդ ինչ եք զգում, բայց շատերիդ համար էլ՝ դա ոչ մի բան էր: Ու ձեր ելույթներից ես վստահ եմ, որ ձեզ համար որևէ արժեք չուներ այն, որ ձեր զինվորին ստորացրել են: Զինվորը հայ մարդու հավաքական կերպարն է, և դա ամբողջ ազգի հանդեպ դրսևորված վերաբերմունք էր՝ ձեր թողտվության հետևանքով»,- այս մասին ԱԺ արտահերթ նիստում իր ելույթում ասաց ԱԺ պատգամավոր Սոֆյա Հովսեփյանը՝ դիմելով «Իմ քայլի» պատգամավորներին:
«ԱԽ քարտուղարն ասում է՝ չենք հասցրել սահմանը կահավորել: 7 ամիսը քի՞չէ: Իսկ ինչու չեք հասցրել նվազագույն չափով կահավորել: Գլխավոր շտաբը եւ պաշտպանության նախարարը տեղյակ չէին այդ միջադեպից: Ինձ հետաքրքիր է, ընդհանրապես թասիբ կա՞: Հետաքրքիր է ինչու են ԳՇ պետն ու նախարարը, ԱԽ քարտուղարը մինչեւ հիմա իրենց պաշտոններին»,-հայտարարեց պատգամավորը:
Նա համոզմունք հայտնեց, որ այս փաստաթուղթը հրապարակ է նետվել հենց իշխանության ներսից. «Տրվել է, որ աղմուկ բարձրացվի, թե տեսեք ինչ փաստաթուղթ է, հետո մեկ ուրիշը ներկայացվի, որ ասեք՝ ստեցին: Ինձ գոնե չեք ստել, ես սպասում էի, որ այս խաղը պետք է խաղաք»:
«Թասիբը գցել են շանը, շունը չի կերել»,- դիմելով գործընկերներին՝ ժողովրդական այս խոսքը մեջբերեց Հովսեփյանը և կոչ արեց՝ թույլ մի՛ տվեք՝ ձեր թասիբը այդպես ոտնատակ տան, արտահայտեք ձեր վերաբերմունքը: Պատգամավորը պահանջեց կամք դրսևորել և տեր կանգնել հայ զինվորին:
Մանրամասները՝ տեսանյութում:
