09.06.2026 | 00:17
Մարկո Ռուբիոն շնորհավորել է Փաշինյանին
Սերժ Սարգսյանը խոսում է անկախությունից՝ ամեն ինչը հանձնելով օտարին՝ գազը, ջուրը, օդային պաշտպանությունը․ Գագիկ Սարուխանյան
Քաղաքականություն
20.02.2018 | 17:59
«Մենք նշում ենք Ղարաբաղյան շարժման 30-ամյակը, անգամ կոմիտեն էլ էր կոչվում «Ղարաբաղ» և ոչ թե Արցախ։ Այսօր խոսվում է մի շարժման մասին, որը թույլ չի տալիս խոսել, թե ինչից առաջացավ արցախյան հարցը։ Ամեն ինչ արվում է, որպեսզի աշխարհին սա ներկայացվի որպես կռվախնձոր։ Երբ խոսում ենք՝ ասում ենք Արցախը մերն է, Ադրբեջանն էլ իր հերթին ասում է՝ մերն է։ Սրա մեջ ես տեսնում եմ դավադրություն»,- Factor.am-ին ասաց ԱԻՄ վարչության անդամ, ազատամարտիկ Գագիկ Սարուխանյանը։
Անդրադառնալով Սերժ Սարգսյանի այսօրվա ուղերձին, որտեղ նա ցիտում էր Մոնթե Մելքոնյանին, ազատամարտիկն ասաց․ «Ես պարադոքս եմ տեսնում, երբ Սերժ Սարգսյանը խոսում է անկախությունից՝ ամեն ինչը հանձնելով օտարին՝ գազը, ջուրը, օդային պաշտպանությունը։ Նա առհասարակ այդ առումով խոսելու բան չունի, օտար երկրի դրածո է»։
Մանրամասները՝ տեսանյութում։
Լիլիթ Շաբոյան
