30.06.2026 | 10:03
Արտարժույթների փոխարժեքները՝ հունիսի 30-ի դրությամբ
ՄԻՊ զգուշացումը ՀՀ իշխանությանը՝ սահմանազատման հարցով․ ՀԱՊԿ քարտուղարը՝ Սյունիքի խնդրի մասին․ Լուրեր
Քաղաքականություն
19.05.2021 | 18:19
Հայաստանի ԱԳ նախարարը ՀԱՊԿ ԱԳ նախարարների նիստին ասել է, որ Ադրբեջանի ԶՈՒ-ի ներթափանցումը ՀՀ ինքնիշխան տարածք անմիջական սպառնալիք է ՀԱՊԿ անդամ երկրին, մարտահրավեր՝ Կազմակերպության հավաքական անվտանգության համակարգին։ Կազմակերպության արձագանքը հայտնի չէ։
Կազմակերպության Գլխավոր քարտուղար Ստանիսլավ Զասը հայտարարել է, որ ՀԱՊԿ-ը մտահոգությամբ է հետևում Սյունիքում իրավիճակի զարգացմանը: Նա հավելել է, որ ՀԱՊԿ-ը ողջունում է Ռուսաստանի միջնորդությամբ կողմերի միջև սկսված բանակցությունները։
—
Հնդկաստանի ԱԳ նախարարության խոսնակը հայտնել է, որ մտահոգության հետևում են հայ-ադրբեջանական սահմանի իրադրությանը և սահմանը խախտած կողմին հորդորում են անհապաղ հետ քաշել զինված ուժերն ու կասեցնել ցանկացած հետագա սադրանք։
—
ՄԻՊ Արման Թաթոյանը հայտարարություն է տարածել և զգուշացրել է ՀՀ իշխանության մարմիններին, որ Ադրբեջանի հետ միայն սահմանազատումը` առանց անվտանգության գոտի ստեղծելու, ոչ միայն չի ապահովելու ՀՀ քաղաքացիների ու հատկապես ՀՀ սահմանային բնակիչների իրավունքները, այլ կդառնա իրավունքների նոր խախտումների ու նոր լարվածության պատճառ։
