07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Եթե Փաշինյանն իր թիմով հաջողություն արձանագրի ընտրությանը, Տեր-Պետրոսյանն այդ հարվածին չի դիմանա. Հովիկ Աղազարյան. ՏԵՍԱՆՅՈՒԹ
Քաղաքականություն
19.05.2021 | 15:01
Անկախ Լևոն Տեր-Պետրոսյանի հանդեպ ունեցած իմ վերաբերունքից, ողջունում եմ ՀԱԿ-ի որոշումը ընտրություններին մասնակցելու մասին։ ՀԱԿ-ում կան բազմաթիվ քաղաքական գործիչներ, որոնք իրենց գիտելիքներով ու պահվածքով կարող են օգտակար լինել մեր երկրի զարգացմանը: Այս մասին լրագրողների հետ ճեպազրույցում նշեց ԱԺ «Իմ քայլը» խմբակցության պատգամավոր Հովիկ Աղազարյանը՝ անդրադառնալով ընտրական գործընթացին և ընտրություններին ՀԱԿ-ի մասնակացությանը:
«Եթե ընտրություններում Նիկոլ Փաշինյանը իր թիմով արձանագրի հաջողություն, ապա Լևոն Տեր-Պետրոսյանը այդ հոգեբանական հարվածին չի դիմանա, ինֆարկտ կստանա, որովհետև ինքը, իրենից բացի, ոչ ոքի չի տեսնում։
Լևոն Տեր-Պետրոսյանը և նախկին երկու նախագահները կարող էին ժամանակին լուծել բոլոր հարցերը մեզ համար նպաստավոր պայմաններով։ Մեր պարտության սկիզբը դրվեց այն ժամանակ, երբ Արցախի մեր հայրենակիցների ազգային-ազատագրական շարժումը վերածվեց հայ ադրբեջանական կոնֆլիկտի, մեր անհաջողությունների արմատները այդտեղից են գալիս»,- նկատեց Աղազարյանը:
Մանրամասները՝ տեսանյութում:
