30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Կառավարությունն առ այսօր չի պատասխանել Կորոնավիրուսի հարցով քննիչ հանձնաժողովի հարցերին. Խաչատրյան. ՏԵՍԱՆՅՈՒԹ
Քաղաքականություն
18.05.2021 | 15:56
Հանձնաժողովը լիարժեք սկսել է գործել հունվարից, փետրվարի 11-ին 251 հարցից բաղկացած հարցաշար կազմվեց, որն ուղղվեց ՀՀ կառավարությանը և պահանջվեց տեղեկատվություն տրամադրել քովիդի դեմ պայքարի միջոցառումների վերաբերյալ: Այս մասին այսօր խորհրդարանում լրագրողների հետ ճեպազրույցում նշեց ԱԺ Ֆինանսավարկային և բյուջետային հարցերի մշտական հանձնաժողովի նախագահ, «Լուսավոր Հայաստան» խմբակցության անդամ Արկադի Խաչատրյանը՝ անդրադառնալով Կորոնավիրուսի հանգամանքներն ուսումնասիրող քննիչ հանձնաժողովի գործունեությանը:
«Առ այսօր կառավարությունից որևէ պատասխան չի ստացվել, դա անհնարին է դարձրել հանձնաժողովի հետագա գործունեությունը՝ նաև հաշվի առնելով, որ նախընտրական փուլ է: Բայց հանձնաժողովը պնդելու է, որ կառավարությունը ներկայացնի ամբողջական տեղեկատվությունը, որը կվերլուծվի այնքանով, որքանով կհասցնենք: Կարծում եմ հարցը արդիական է մնալու նաև հաջորդ ԱԺ-ի համար և հույս ունեմ, որ այնտեղ ևս կստեղծվի քննիչ հանձնաժողով, որը կշարունակի աշխատանքները:
Կորոնավիրուսի դեմ պայքարի շրջանակներում ֆինանսական հսկայական ռեսուրսներ են հատկացվել, ծախսերի և դրանց նպատակայնության վերաբերյալ հարցում ենք ուղարկել հաշվեքննիչ պալատ և Պետական վերհսկողական ծառայություն, առ այսօր այդ ուսումնասիրությունների արդյունքները չկան: Անհրաժեշտ տեղեկատվության բացակայությունը անհնարին է դարձրել քննիչ հանձնաժողովի գործունեությունը»,- նշեց Խաչատրյանը:
Մանրամասները՝ տեսանյութում:
