18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
ՀՀ ԶՈՒ-ն կանխում է ադրբեջանցիների թիկունքային ապահովումը․ նոր թաղամասի կառուցում Ասկերանում․ Լուրեր
Քաղաքականություն
18.05.2021 | 15:04
Ադրբեջանի ԶՈՒ կողմից հայ-ադրբեջանական սահմանին մայիսի 12-ին և 13-ին իրականացված սադրանքներից հետո ստեղծված իրադրության մեջ, մայիսի 18-ի առավոտյան դրությամբ, փոփոխություններ չեն արձանագրվել։ Հայտնել է ՊՆ-ն։ Իրադրությունը համեմատաբար հանգիստ է, հայկական ԶՈՒ ստորաբաժանումները կանխում են ՀՀ տարածք մուտք գործած ադրբեջանցի զինվորականների թիկունքային ապահովման փորձերը։
—
Արցախի ԱԽ–ն հերքում է լուրը, թե ադրբեջանական ԶՈւ–ն դիրքերն առաջ է տվել նաև Արցախում, մասնավորապես Քարվաճառի հատվածում՝ մի քանի ուղղություններով։ Հաղորդագրության համաձայն՝ այդ մասին լուրերը չեն համապատասխանում իրականությանը։
—
Շիրակի օդանավակայանի վազքուղին կվերակառուցվի․ այն կհամապատասխանեցվի նաև ռազմական օդանավերի թռիչքներին։ Այս մասին հայտնել է օդանավակայանի տեխնիկական ծառայության ղեկավար Հենրիկ Սարգսյանը։
—
Արցախի Ասկերանի շրջանի Իվանյան համայնքում սկսվել են 180 բնակարանանոց նոր թաղամասի կառուցման աշխատանքները։ 15 բազմաբնակարան շենքից բաղկացած նոր թաղամասը նախատեսվում է ավարտել մինչև 2022-ի սեպտեմբերի վերջ։ Նոր թաղամասը կառուցվում է «Հայաստան» հիմնադրամի ֆինանսավորմամբ։
