10.03.2026 | 22:45
ԵՄ առաքելությունը Հայաստանում 8000-րդ պարեկությունն է իրականացրել
Ադրբեջանը փորձում է մաշել մեզ․ հստակ ռազմավարություն է․ Թաթուլ Հակոբյան. ՏԵՍԱՆՅՈՒԹ
Քաղաքականություն
14.05.2021 | 12:44
Սյունիքում իրավիճակը շարունակում է լարված մնալ: Հայաստանի պետական սահմանը խախտած և «Սև լիճ» կոչվող տեղանքը շրջափակած ադրբեջանական զինված ուժերի որոշակի խմբեր արդեն երկրորդ օրն է չեն հեռանում տարածքից: Ադրբեջանական զինուժը նոր սադրանքներ է նախաձեռնել Սիսիանի ու Վարդենիսի հատվածներում, որոնք կանխվել են:
Ստեղծված իրավիճակը Երևանը գնահատում է «պայթյունավտանգ» և դիմել է Հավաքական անվտանգության պայմանագրի կազմակերպությանը:
«Կարծում եմ՝ Ադրբեջանը Հայաստանին մաշում է և օրակարգ է բերում նորանոր խնդիրներ, և մենք սկսում ենք մոռանալ գլխավոր մարտահրավերների մասին, օրինակ՝ գերիների հարցը, Արցախի կարգավիճակի հարցը այս պահին երրորդական պլան մղվեցին: Սա հստակ ռազմավարություն է, որը կիրառում է Ադրբեջանը»,- «Ադրբեջանական սադրանք Հայաստանի սահմանին. Երևանը դիմել է ՀԱՊԿ-ին» թեմայով քննարկման ժամանակ նշեց լրագրող, վերլուծաբան, պատմության հետազոտող Թաթուլ Հակոբյանը:
«Պետք է փորձել ՀՀ սուվերեն տարածքով թույլ չտալ ադրբեջանցիների առաջխաղացումը»,- ասաց Հակոբյանը:
Նրա խոսքով՝ Ռուսաստանի համար միևնույն է մի բլուր այս կողմի վերահսկողության տակ կլինի, թե այն կողմի, Սև լիճը ումը կլինի, բայց Ադրբեջանի համար դա կարևոր է, որը կարողանում է նման օրակարգ ստեղծելով ինչ-որ բան կորզել ոչ միայն Հայաստանից, այլ նաև Ռուսաստանից. «Ադրբեջանը մեր հաշվին բանակցում է ՌԴ-ի հետ և փորձում նրանից ինչ-որ բաներ կորզել: Հայաստանին ժամ առաջ պետք է նոր իշխանություն»:
Մանրամասները՝ տեսանյութում:
