19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Ֆրանսիացի պատգամավորները Բաքվին կոչ են արել՝ անհապաղ դադարեցնել հարձակումները, Եվրոպային՝ խիստ գործողությունների դիմել
Քաղաքականություն
13.05.2021 | 22:28
Ֆրանսիայի Ազգային ժողովի մի խումբ պատգամավորներ դատապարտել են Հայաստանի Սյունիքի մարզում Բաքվի սադրանքը՝ Ֆրանսիային, ինչպես նաև ամբողջ Եվրոպային կոչ անելով թույլ չտալ Ադրբեջանին՝ ապակայունացնել իրավիճակը տարածաշրջանում:
«Ադրբեջանը, արհամարհելով միջազգային իրավունքը, նոր է ռազմական ուժ է տեղակայել Հայաստանի Հանրապետության տարածքում: 6 այլ պատգամավորների հետ միասին կոչ ենք անում Ադրբեջանին՝ անհապաղ դադարեցնել հարձակումները, որոնք լուրջ վտանգ են ներկայացնում տարածաշրջանում խաղաղության և անվտանգության համար: Մենք ակնկալում ենք խիստ գործողություններ Ֆրանսիայից և Եվրոպայից, քանի որ իրադրությունը լուրջ է:
Դա է պահանջում մեր երկարամյա բարեկամությունը Հայաստանի և հայ ժողովրդի հետ: Դա է պահանջում միջազգային իրավունքի նկատմամբ հարգանքը»,- ֆեյսբուքյան իր էջում, մասնավորապես, գրել է ֆրանսիացի պատգամավոր Անն-Լորանս Պետելը՝ հրապարակելով պատգամավորների նամակը։
