31.07.2026 | 15:39
Վահագն Խաչատուրյանին իր հավատարմագրերն է հանձնել Հայաստանում Պորտուգալիայի նորանշանակ դեսպանը
Բաքուն 15 հազար զինվորականով վարժանք է սկսում․ Վրաստանի վարչապետը՝ ՀՀ կայունության մասին․ Լուրեր
Քաղաքականություն
12.05.2021 | 17:57
Երևան է ժամանել Վրաստանի վարչապետ Իրակլի Ղարիբաշվիլին և հանդիպում է ունեցել վարչապետի պաշտոնակատար Նիկոլ Փաշինյանի հետ։ Հանդիպմանը հաջորդած հայտարարությունների ընթացքում Փաշինյանն ասաց, որ քննարկվել են տնտեսական հարցեր, ինչպես նաև տարածաշրջանային անվտանգության խնդիրներ։ Փաշինյանը Ղարիբաշվիլիին ասել է, որ ԼՂ հակամարտությունը պետք է լուծվի ԵԱՀԿ ՄԽ հովանու ներքո։
Վրաստանի վարչապետն իր հերթին հայտարարության ընթացքում նշեց, որ Հայաստանի կայունությունն անչափ կարևոր է Վրաստանի ու ողջ տարածաշրջանի համար։ Նա համոզմունք հայտնեց, որ արտահերթ ընտրությունները կանցկացվեն բաց ու թափանցիկ։
—
Ադրբեջանի բանակը մայիսի 16-ից նոր մասշտաբային զորավարժություններ է անցկացնելու։ Դրանց մասնակցելու է 15․000 զինծառայող, 300 միավոր զրահատեխնիկա, մինչև 400 հրթիռահրետանային համակարգեր և միջոցներ, մինչև 50 միավոր ռազմական ավիացիա ու տարբեր նշանակության անօդաչու թռչող սարքեր։
—
Այսօր տեղեկություններ էին տարածվել այն մասին, որ ադրբեջանցիները առաջխաղացում են ունեցել նաև Գեղարքունիքի ուղղությամբ։ Մարզպետ Գնել Սանոսյանը Factor TV-ի հետ զրույցում ասել է, որ կրակոցներ չեն եղել, ադրբեջանցիները եկել են այն դիրքեր, որոնք նրանց անցել էին նոյեմբերի 9-ի հայտարարության հետևանքով։
—
Սիսիան համայնքում արձանագրվել է աղիքային վարակներին բնորոշ ախտանշաններով 296 դեպք: Հայտնում են առողջապահության նախարարությունից։ Որպես բռնկման հավանական պատճառ՝ դիտարկվում է ջրային գործոնը․ դեպքերին նախորդել է վթար՝ բնակավայրի ջրամատակարարման համակարգում։
—
