24.04.2026 | 20:30
Թբիլիսիի Խոջիվանքի պանթեոնում ոգեկոչել են Հայոց ցեղասպանության զոհերի հիշատակը
Ադրբեջանը նոր մասշտաբային զորավարժություններ է անցկացնելու՝ 15․000 զինծառայողի ներգրավմամբ
Քաղաքականություն
12.05.2021 | 15:04
Ադրբեջանի բանակը մայիսի 16-ից նոր մասշտաբային զորավարժություններ է անցկացնելու՝ տարբեր զորատեսակների ներգրավմամբ։ Այս մասին հաղորդում է Ադրբեջանի պաշտպանության նախարարությունը։
Զորավարժություններին մասնակցելու է 15․000 զինծառայող, 300 միավոր տանկ ու այլ զրահամեքենաներ, տարբեր տրամաչափի մինչև 400 հրթիռահրետանային համակարգեր, հրթիռային բազմակի համակարգեր, ականանետեր ու համատանկային միջոցներ, մինչև 50 միավոր ռազմական ավիացիա ու տարբեր նշանակության անօդաչու թռչող սարքեր։
Վարժանքների ընթացքում հիմնական ուշադրությունը, ըստ հաղորդագրության, կենտրոնացվելու է զորքերի ռազմական պատրաստվածության և վերախմբավորման, հրթիռային ու հրետանային զորքերի, ավիացիայի ու հատուկ նշանակության ուժերի միջև փոխհամագործակցության ուղղությամբ։
Զորավարժություններին, որոնք տևելու են մինչև մայիսի 20-ը, նաև առաջադրանքներ են լինելու՝ կապված անօրինական զինված ուժերի սադրանքները կանխելու և ահաբեկիչներին չեզոքացնելու գործողությունների հետ։
Էմմա Չոբանյան
