09.06.2026 | 20:14
ԱՄՆ գործերի ժամանակավոր հավատարմատարը այցելել է Սյունիք
ԱԱԾ-ն ավարտեց նախկին բարձրաստիճան սպայի դավաճանության քննությունը․ ՄԻՊ արձագանքը Բաքվի ԱԳՆ-ին․ Լուրեր
Քաղաքականություն
12.05.2021 | 12:12
ԱԱԾ-ն հայտնել է, որ ավարտվել է նախկին բարձրաստիճան զինվորականի կողմից պետական դավաճանություն կատարելու դեպքի առթիվ քննվող քրգործի նախաքննությունը։ Նշվում է, որ այդ զինվորակաները հավաքագրվել է ադրբեջանական հատուկ ծառայությունների կողմից, նրանց է փոխանցել պետական ու ծառայողական գաղտնիքներ հայկական զինված ուժերի զորամասերի, նրանց կարողությունների, զենքի քանակի, ինչպես նաև նրանց կողմից թիրախ դիտարկվող ադրբեջանական օբյեկտների վերաբերյալ։ Այս տեղեկությունները նախկին սպան ադրբեջանցիներին է հանձնել Վրաստանում Ադրբեջանի դեսպանատանը։ Նախկին զինվորականը կալանավորված է։
—
ՄԻՊ Արման Թաթոյանը հայտարարություն է տարածել, որ ադրբեջանական իշխանությունները միջազգային պահանջների կոպիտ խախտմամբ արհեստական ձգձգում են հայկական կողմի գերիների ազատ արձակումը, դիտավորյալ չեն հայտնում գերիների իրական թիվը: Նա միջազգային մարմինների ուշադրությունն է հրավիրել Ադրբեջանի ԱԳ նախարարի խոսքերի վրա, որոնք խախտում են միջազգային մարդասիրական իրավունքը։
—
Իսրայելի մայրաքաղաք Թել Ավիվը և հարևան քաղաքները զանգվածային գնդակոծության են ենթարկվել Գազայի հատվածից։ Իսրայելը պատասխանել է նոր հարվածներով. երկու կողմերի զոհերի թիվը հասել է 40-ի։
