14.10.2026 | 19:03
Նախկին ՀՀԿ-ականներ, դաշինքներ՝ ՔՊ-ի հետ, թույլ մրցակցություն․ ի՞նչ սպասել Գեղարքունիքի ՏԻՄ ընտրություններից
Հայաստանի տարածքում «քուրդ ահաբեկիչներ» չեն որոնվում և չեն հետապնդվում. ԱԱԾ. aysor.am
Հասարակություն
19.02.2018 | 14:32
Արդեն մի քանի օր է՝ մամուլում շրջանառվում են տեղեկություններ, թե «Հայաստանի սահմանը քուրդ ահաբեկիչներ» են հատել և գտնվում են տաբեր բնակավայրերում՝ Գորիսում, Գյումրիում։
Aysor.am-ը Ազգային անվտանգության ծառայությանն ուղղված հարցմամբ փորձել է պարզել՝ արդյոք տեղեկությունը համապատասխանում է իրականությանը և արդյոք Հայաստանի սահմանը օրինական կամ ապօրինի ճանապարհով հատել են անձինք, որոնք հնարավոր կապ կարող է ունենան միջազգային ահաբեկչական խմբավորումների հետ։
Ի պատասխան մեր հարցմանը ԱԱԾ-ից պատասխանել են, որ Հայաստանում «քուրդ ահաբեկիչներ» չկան.
«Ներկայումս Ազգային անվտանգության մարմինների կողմից ՀՀ տարածքում անվտանգության խստացված կամ հատուկ միջոցառումներ չեն իրականացվում։ Գյումրիում, Գորիսում կամ ՀՀ այլ բնակավայրերում «քուրդ ահաբեկիչներ» չեն որոնվում և չեն հետապնդվում»։
Aysor.am-ը nաև փորձել էր տեղեկանալ, թե նախապատրաստական ի՞նչ աշխատանքներ են իրականացվում Հայաստանում հոկտեմբերին կայանալիք Ֆրանկոֆոնիայի գագաթնաժողովին ընդառաջ։
«Ահաբեկչության դեմ պայքարի, ինչպես նաև ՀՀ-ում կայանալիք Ֆրանկոֆոնիայի գագաթնաժողովի կապակցությամբ ՀՀ Ազգային անվտանգության ծառայությունն իր իրավասությունների սահմաններում իրականացնում է ամենօրյա համապատասխան միջոցառումներ, որոնց վերաբերյալ տեղեկությունները հրապարակման ենթակա չեն», – հայտնել են ԱԱԾ-ից։
