Քաղաքականություն
11.05.2021 | 16:51
Գազայի հատվածը վերահսկող պաղեստինյան «ՀԱՄԱՍ» շարժման ռազմականացված թևը՝ «Իզեդդին ալ-Քասամի բրիգադներ» խմբավորումը հաղորդել է իսրայելական Աշդոդ և Աշկելոն քաղաքների ուղղությամբ հրթիռային հարվածներ հասցնելու մասին։ Այս մասին հաղորդել է Dunya Al Watan-ը։
Խմբավորման ներկայացուցիչները նշել են, որ իսրայելական բնակավայրերի ուղղությամբ հասցված հարվածները պատասխան են Իսրայելի կողմից ՀԱՄԱՍ-ի օբյեկտների վրա հարվածների։
Նշենք, որ ավելի վաղ Իսրայելի Պաշտպանության բանակի մամուլի ծառայությունը հաղորդել էր այս քաղաքներում օդային տագնապի ազդանշանների գործարկման մասին։
Միաժամանակ, Reuters-ը հաղորդում է Աշկելոնում հրթիռակոծության հետևանքով մեկ իսրայելցու մահվան մասին։
