20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Հայ գերիների հարցն Ալիևը փակված է համարում․ ինչ է ասել Ադրբեջանի նախագահը ՌԴ ԱԳ նախարարին
Քաղաքականություն
11.05.2021 | 13:54
Ներկա հետկոնֆլիկտային իրավիճակը թելադրում է բոլոր մակարդակներում ավելի սերտ շփումների անհրաժեշտություն, նկատվում է դրական զարգացում, անվտանգության ամրապնդում, ռազմական գործողությունների վերսկսման վտանգների նվազում։ ՌԴ ԱԳ նախարար Սերգեյ Լավրովի հետ Բաքվում տեղի ունեցած հանդիպմանն այս մասին հայտարարել է Ադրբեջանի նախագահ Իլհամ Ալիևը։
Նա, մասնավորապես, բարձր է գնահատել եռակողմ հանձնաժողովի աշխատանքը, որը զբաղվում է տարածաշրջանում հաղորդակցության ուղիների ապաշրջափակմամբ։ Ալիևը կրկին ակնարկել է, որ հայ ռազմագերիների թեման փակված է համարում։
«Ռազմական գործողությունների ավարտից հետո բոլոր ռազմագերիները վերադարձվել են, որոնք հայտնվել էին մեզ մոտ պատերազմի արդյունքում»,- ասել է Ալիևը։
Լավրովի հետ զրույցում Ալիևը նաև նշել է, որ, իբր, ադրբեջանական կողմը շատ հումանիտար վերաբերմունք է դրսևորում հայկական կողմի նկատմամբ, նաև մեղադրել ռեվանշիստական տրամադրությունների ու ադրբեջանաֆոբիայի մեջ։
«Մենք հուսով ենք, որ Ռուսաստանը, որպես մեր ընկեր, ռազմավարական գործընկեր, հարևան, որպես պետություն, որի խաղաղապահերն այսօր Ադրբեջանի տարածքում են, հետագայում ևս կնպաստեն լարվածության նվազմանն ու հայկական կողմի ավելի սթափ մոտեցմանը»,- հայտարարել է Ալիևը։
Էմմա Չոբանյան
