30.04.2026 | 16:02
Իսրայելը չի թույլատրել ուկրաինական «գողացված հացահատիկ» տեղափոխող նավի մուտքը երկիր
Իշխան Զաքարյանի կինն ազատվել է աշխատանքից․ կամուրջները վերջնականապես այրվո՞ւմ են
06.06.2017 | 16:22
Վերահսկիչ պալատի նախկին նախագահի կինը՝ Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանը, Երևանի քաղաքապետի որոշմամբ ազատվել է աշխատանքից։ ՀՀԿ կազմակերպչական հարցերով հանձնաժողովի նախագահ Ռուբեն Թադևոսյանը վստահեցնում է, որ նախկին ՀՀԿ-ականը կուսակցությանն իր անդամակցությունը ժամանակավոր կասեցնելուց հետո դիմում չի գրել։ Այս մասին Factor.am-ի հետ զրույցում ասաց Թադևոսյանը։
«Անդամակցությունը կասեցված է իր իսկ դիմումի համաձայն, վերականգնման ցանկություն չի եղել»,- ասաց նա։
Հիշեցնենք, որ այս խորհրդարանական ընտրություններից առաջ ՎՊ նախագահ Իշխան Զաքարյանը գլխավորեց «Ծառուկյան» դաշինքի նախընտրական շտաբը, սակայն թե՛ նախկինում, երբ նա ՎՊ նախագահ էր, թե՛ հիմա, երբ նա ԱԺ պատգամավոր է, կրկին արդիական է հարցը՝ որտե՞ղ է Իշխան Զաքարյանը։
Սեդա Ղուկասյան
