30.06.2026 | 16:03
ՌԴ-ում տաքսու վարորդներն ավելի քիչ են աշխատանքի դուրս գալիս՝ վառելիքային ճգնաժամի ֆոնին
Փաշինյանը՝ թավիշի և քաղաքացիական պատերազմի մասին․ խուզարկություն Դոն Պիպոյի տանը․ Լուրեր
Քաղաքականություն
10.05.2021 | 15:17
Թավիշը Հայաստանին փրկել է քաղաքացիական պատերազմից։ Այս մասին Ազգային ժողովում հայտարարել է Նիկոլ Փաշինյանը, ում թեկնածությունը առաջադրված է վարչապետի պաշտոնում։ Փաշինյանը խոսել է իրենց կառավարման շրջանում իրենց հաջողած փոփոխությունների մասին ու ասել, որ կարևորն այն է, որ հիմա մարդիկ գիտեն, որ իրենց քվեն է որոշում ընտրությունների արդյունքը։
—
Արտահերթ ընտրություններից հետո, եթե որևէ ուժ խորհրդարանում չունենա տեղերի առնվազն 54 տոկոսը կամ 6 օրվա ընթացքում հնարավոր չլինի առավելագույնը 3 ուժի միջև կոալիցիա կազմել, որը կունենա տեղերի 54 տոկոսը, ապա Հայաստանում տեղի կունենա ընտրությունների երկրորդ փուլ։ Այս մասին այսօր հայտնել է «Իմ քայլը» խմբակցության պատգամավոր Համազասպ Դանիելյանը:
—
Այսօր ոստիկանությունը խուզարկություն է կատարել Արթուր Ասատրյանի՝ «Դոն Պիպո»-ի ու ևս 13 անձի բնակարաններում։ Այս մասին Factor.am-ին հայտնեցին ՀՀ Քննչական կոմիտեից։ Խուզարկությունները կապված են Ասատրյանի թիկնապահի սպանության դեպքի հետ։
—
Առողջապահության նախարարությունը հրապարակել է կորոնավիրուսի համաճարակի ընթացքում նախարարության իրականացրած ծախսերի հակիրճ նկարագրություն։ Ըստ դրա՝ ծախսվել է շուրջ 5,6 մլրդ դրամ, որից շուրջ 3 միլիարդը ուղղվել է վերապլոֆիլավորված բժշկական կենտրոնների պահպանմանը, 1,4 միլիարդը՝ դեղորայքին և հագեցվածությանը։ Շուրջ 32 միլիոն դրամ ուղղվել է պարգևավճարներին։
