14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Թուրք-ամերիկյան հարաբերությունները կկարգավորվեն, եթե քրդերը դուրս գան Մանբիչից. Չավուշօղլու
Քաղաքականություն
16.02.2018 | 20:18
Անկարայում կայացել է ԱՄՆ-ի պետքարտուղար Ռեքս Թիլլերսոնի և Թուրքիայի արտաքին գործերի նախարար Մևլութ Չավուշօղլուի հանդիպումը. տեղեկացնում է EH-ն:
Ըստ «Demokrathaber» լրատվական կայքի՝ հանդիպումից հետո կողմերը մամուլի ասուլիս են տվել, որի ժամանակ հայտնի է դարձել, որ 2 երկրները պայմանավորվել են քայլեր անել թուրք-ամերիկյան լարված հարաբերությունները կարգավորելու ուղղությամբ:
Չավուշօղլուն հայտնել է, որ թուրք-ամերիկյան հարաբերությունները կարող են կարգավորել, միայն այն բանից հետո, երբ Սիրիայի քրդական ուժերը դուրս գան Մանբիչից, որը գտնվում է քրդերի վերահսկողության տակ:
Նա հիշեցրել է ամերիկացի պաշտոնյային, որ ԱՄՆ-ն չկատարեց իր խոստումը, որով Սիրիաի քրդական ուժերը պետք է դուրս բերվեին Մանբիչից:
Չավուշօղլուն շեշտել է, որ Մանբիչի բնակչության մեծ մասը արաբ են, հետևաբար քրդերի ներկայությունը այդտեղ միայն լարվածություն է առաջացնում:
Թուրքիայի ԱԳՆ-ի ղեկավարը հայտնել է, որ ԱՄՆ-ն և Թուրքիան կստեղծեն հատուկ աշխատանքային խմբեր, որոնք կզբաղվեն լարված հարաբերությունների ուսումնասիրմամբ:
Թիլլերսոնը ընգծել է, որ Թուրքիայի և ԱՄՆ-ի համար գլխավոր խնդիրը՝ Սիրիան ահաբեկիչներից մաքրելն է: Այդ իսկ նպատակով ԱՄՆ-ն ու Թուրքիան այսուհետ Սիրիայում միասին կպայքարեն ահաբեկիչների դեմ:
