27.04.2026 | 12:02
Ռուսական զորքերը զանգվածային հարված են հասցրել Օդեսային. վիրավորվել է 11 մարդ, այդ թվում`2 երեխա
F-35 ծրագրից հեռացվելու պատճառով Թուրքիայի ռազմաօդային ուժերը լուրջ մարտահրավերի առաջ են կանգնած․ զեկույց
Քաղաքականություն
06.05.2021 | 22:39
Թուրքիայի ռազմաօդային ուժերի պատերազմական հնարավորություններն առաջիկա քսան տարիներին բախվելու են լուրջ մարտահրավերների։ Այս մասին ասվում է թուրքական EDAM կենտրոնի անվտանգության ու պաշտպանության ծրագրի տնօրեն Ջան Քասափօղլուի զեկույցում, գրում է «Ահվալ»-ը։
Զեկույցի համաձայն՝ Թուրքիայի ռազմաօդային ուժերի 4-րդ սերնդի F-16 և 3-րդ սերնդի F-4s ինքնաթիռներն իրենց կյանքն ապրել են, և Թուրքիան ծրագրում էր դրանք թարմացնել 100 հատ F-35A 5-րդ սերնդի կործանիչներով, որը խափանվեց, երբ ԱՄՆ-ն Անկարային հեռացրեց F-35-ի ծրագրից՝ ռուսական S-400 համակարգեր գնելու համար։
«F-35-ի ցածր տեսանելիությունը շատ կարևոր է։ S-400 համակարգերը դեռ ռազմական հաջողություն չունեն»,- նշել է Քասափօղլուն։
«Թուրքիայի համար F-35-ը ոչ միան կործանիչ է, այլև նախագիծ, որում թուրքական պաշտպանական էկոհամակարգը կունենար հարյուր միլիոնավոր դոլարների պորտֆոլիո և կաշխատեին հազարավոր մարդիկ։ Տեղին չէ գնահատել Թուրքիայի կորուստը միայն ռազմական տեսանկյունից։ Պետք է հաշվի առնել նաև մասնակից յուրաքանչյուր թուրքական ֆիրմայի կորուստները»,- ասել է թուրք փորձագետը՝ հավելելով, որ F-35-ը փոխում է խաղը, ինչպես ֆուտբոլային թիմի թանկ, բայց տաղանդավոր աստղային խաղացողը։
Եվս մեկ պոտենցիալ կորուստ էլ, ըստ նրա, կապված է TCG Anatolia ու ծովային ավիացիայի հետ։
«Աշխարհում հիմա չկա լուծում՝ ի՞նչ օգտագործել F-35B-ի փոխարեն, որին չի սպառնում հնացումը և որը չունի զանգվածային արտադրության սահմանափակումներ։ Թուրքիան կօգտագործի TCG Anatolia-ն հիմնականում իր անօդաչուների համար»,- ասել է Քասափօղլուն։
Ընդհանուր առմամբ, նրա խոսքով՝ F-35 ծրագրից հեռացումը լուրջ կորուստ է Թուրքիայի համար։
Էմմա Չոբանյան
