Հասարակություն
16.02.2018 | 17:22
Փետրվարի 13-ին Երևանի ավագանու նիստի ծեծկռուքի գործով դեռևս քրեական գործ չի հարուցվել: Այս մասին Factor.am-ին ասաց ՀՀ գլխավոր դատախազի` ԶԼՄ-ների հետ կապերի գծով խորհրդական Գոռ Աբրահամյանը:
Հարցին, թե ինչու է գործընթացը ձգձգվում, Աբրահամյանը պատասխանեց, որ ամեն ինչ կատարվում է օրենքի շրջանականերում. «Ըստ քրեադատավարական օրենսգրքի հետաքննությունը կատարվում է տասնօրյա ժամկետում: Ձգձգվելու մասին խոսք լինել չի կարող»,- նշեց Աբրահամյանը:
Հիշեցնենք, որ ավագանու նիստում, երբ «Երկիր Ծիրանիի» անդամները փորձեցին Նուբարաշենից բերված կոյուղաջրերը մոտեցնել քաղաքապետին, վերջինս հրահանգեց` դեմն առնել: Հրահանգից հետո ավագանու Հանրապետական խմբակցության տղամարդիկ սկսեցին քաշքշել ընդդիմադիր կանանց, ապա բանը հասավ ծեծկռտուքի:
