18.02.2026 | 23:28
Ստեփանծմինդա-Լարս ավտոճանապարհը փակ է
Հայհոյանքներից եք խոսում, տեսե՞լ եք՝ պաշտոնյաները հայհոյանքներ են գրում ու լայքում․ ՀՀ ՄԻՊ-ը՝ «Իմ քայլ»-ի պատգամավորին. ՏԵՍԱՆՅՈՒԹ
Քաղաքականություն
06.05.2021 | 16:41
«Շատ վիրավորական և բացահայտ մանիպուլյատիվ էր Ձեր ելույթը»,- դիմելով «Իմ քայլը» խմբակցության պատգամավոր Մարիա Կարապետյանին, այս մասին ԱԺ-ում ՄԻՊ տարեկան զեկույցի քննարկման ժամանակ նշեց Արման Թաթոյանը՝ հավելելով, որ պատգամավորը փորձել է նսեմացնել ՄԻՊ աշխատանքը:
«ՀՀ ՄԻՊ-ի համար կարևոր է արժանապատվությունը»,-ընդգծեց Թաթոյանը:
«Հայհոյանքներից եք խոսում, բա պաշտոնյաները, տեսե՞լ եք՝ ինչեր են անում, ես բոլոր ապացույցներն ունեմ, հայհոյանքներ են գրում, բարձրաստիճան պաշտոնյաները «լայքում են», դա անուղղակի բռնության տարածում է: Այո՛, Գլխավոր դատախազին գրել եմ, խնդրել եմ քրեական գործ հարուցել, ԱԱԾ տնօրենին էլ խնդրել եմ հատուկ, որ այդ պաշտոնյաները պետք է ընդհանրապես պետական կառավարման համակարգի հետ կապ չունենան: Որտեղի՞ց են եկել-հայտնվել այդտեղ, կարո՞ղ եք ինձ ասել: Ի՞նչ գործ ունի շուկայի տեսչության վերահսկողության մարմնի աշխատակիցը, համացանցում նա սեռական հայհոյանք է տալիս լրագրողին:
Գիտեք ինչ կա, արժանապատվությունը մարդու բարձրագույն արժեքն է, մարդուն վիրավորել չի կարելի: Ընդդիմությունն էլ այնտեղ է սխալվում, առիթից օգտվում, երկու կողմի ֆեյքային բանակներն էլ չհաշված»,- նշեց ՄԻՊ-ը:
Մանրամասները՝ տեսանյութում:
