14.10.2026 | 20:10
Ինչ են խոսել անկլավների մասին․ Փաշինյանը բացահայտում է Ալիևի հետ Թուրքմենստանում շփման թեման. ՏԵՍԱՆՅՈՒԹ
Ալիևի հայտարարությունը չի նպաստում լարվածության թուլացմանը. Մարիա Զախարովայի պատասխանը վրդովվեցրել է ադրբեջանցիներին
Քաղաքականություն
16.02.2018 | 15:38
ՌԴ ԱԳՆ խոսնակ Մարիա Զախարովան ճեպազրույցի ժամանակ պատասխանելով հնչած հարցին, թե Ռուսաստանը, որպես ԵԱՀԿ Մինսկի խմբի համանախագահ, ինչպես է գնահատում Ադրբեջանի նախագահ Իլհամ Ալիևի հայտարարությունը, թե Երևանը բուն ադրբեջանական տարածք է, և պատմական հողերը վերադարձնելը Ադրբեջանի ռազմավարական նպատակն է, ասել է. «Հիանալի գիտենք, որ հարևան Հայաստանի հետ Ադրբեջանի հարաբերությունները ծայրաստիճան լարված են: Հիշատակված հայտարարությունը ակնհայտորեն չի նպաստում լարվածության նվազեցմանը»:
Բաքվում տարակուսանք են հայտնել Ալիևի հայտարարությանը ՌԴ ԱԳՆ պաշտոնական արձագանքի կապակցությամբ:
«Հաշվի առնելով Ադրբեջանի և Ռուսաստանի միջև ռազմավարական գործընկերային կապերը, ինչպես նաև բարձր մակարդակի երկխոսությունը, մենք սխալ ենք համարում նման վերաբերմունքը պետության ղեկավարի խոսքերի նկատմամբ», – ասել է Ադրբեջանի ԱԳՆ մամուլի խոսնակ Հիքմեթ Հաջիևը. փոխանցում է APA-ն:
Հաջիևի պնդմամբ՝ իշխող կուսակցության համագումարի ժամանակ Ալիևը խոսել է «ոչ թե Ադրբեջանի պատմական հողերի վերադարձի, այլ ադրբեջանցիների՝ իրենց պատմական հողեր վերադարձի մասին»:
