07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
Շուշիի մայր տաճարը պետք է մնա Հայ առաքելական եկեղեցու պաշտամունքի վայր․ Արա Այվազյան. ՏԵՍԱՆՅՈՒԹ
Մշակույթ
06.05.2021 | 13:21
ՀՀ Արտաքին գործերի նախարարությունում ՌԴ ԱԳ նախարար Սերգեյ Լավրովի հետ համատեղ ասուլիսում ՀՀ ԱԳ նախարար Արա Այվազյանն անդրադարձավ Ադրբեջանի կողմից Արցախի տարածքում հայկական պատմամշակութային ժառանգության ոչնչացման մասին հարցին։
«Այսօր կարող ենք վերահաստատել և արձանագրել, որ Լեռնային Ղարաբաղի պատմամշակութային ժառանգության պահպանման և պաշտպանության հարցը դարձել է նաև խաղաղ կարգավորման մաս։ Ապրիլի 13-ին Մինսկի խմբի համանախագահներն իրենց հայտարարության մեջ անդրադարձել են նաև պատմամշակութային ժառանգության պաշտպանության և պահպանության հարցին։ Մենք սերտորեն համագործակցում ենք ՅՈՒՆԵՍԿՕ-ի հետ՝ ակնկալելով, որ առաջիկայում տեղի կունենա գնահատման այցը տարածաշրջան, և մենք լիահույս ենք, որ ՅՈւՆԵՍԿՕ-ն գործուն քայլեր կձեռնարկի՝ այդ առաքելությունը կյանքի կոչելու ուղղությամբ»,- ասաց Այվազյանը։
Ըստ Այվազյանի՝ պատմամշակութային ժառանգության պաշտպանությունը նախ և առաջ մարդու իրավունքների մասին է։ Եվ պատահական չէ, որ դեռևս այս տարվա փետրվարի 2-ին ՄԱԿ-ի մարդու իրավունքների հատուկ զեկուցողներն այդ հարցին անդրադարձել են իրենց կոչով՝ ուղղված Ադրբեջանին։
Նախարարի խոսքով՝ այսօր Ադրբեջանն անպատասխան է թողել ՄԱԿ-ի փորձագետների կոչը, ավելին, միակողմանի, կոպիտ միջամտությամբ ի ցույց է դնում, որ արհամարհում է միջազգային կառույցների և միջազգային իրավունքի նորմերը։ «Պետք է հստակ նշեմ, որ Շուշիի մայր տաճարը, որը հանդիսանում է հայկական ամենախոշոր եկեղեցիներից մեկը, պետք է մնա Հայ առաքելական եկեղեցու պաշտամունքի վայր»,- հայտարարեց Այվազյանը։
Մանրամասները՝ տեսանյութում:
