08.10.2026 | 11:11
Արծրուն Մարգարյանի և Վահրամ Խորխոռունու սպանությունների գործերով բացահայտումներ են եղել․ Փաշինյան
Դաստիարակչական ելույթները պահեք ձեր խմբակցության պատգամավորների համար․ Ա․ Դավոյանը՝ Տ․ Սիմոնյանին. ՏԵՍԱՆՅՈՒԹ
Քաղաքականություն
04.05.2021 | 12:15
«Հիշեցնեմ պարոն Սիմոնյանին, որ սա իր լսարանը չէ, և ինքն էլ մեր դասախոսը չէ, որ գա ու նման տոնով ելույթներ ունենա, ուսումնադաստիարակչական հայտարարություններ անի»,- ԱԺ նիստում այս մասին նշեց «Իմ քայլի» պատգամավոր Արփի Դավոյանը՝անդրադառնալով րոպերեն առաջ Տարոն Սիմոնյանի արած հայտարարությանը, թե ուրախ է, որ «Իմ քայլի» գործընկերները վերադարձել են հայամետ քաղաքականության: Հիշեցնենք, որ իշխանական պատգամավորները դատապարտել էին Շուշիի մայր տաճարի հանդեպ ադրբեջանական բարբարոսությունը։
«Դաստիարակչական ելույթները պահեք ձեր խմբակցության պատգամավորների համար»,- նշեց Դավոյանը:
«Մեծամասնության դիրքորոշումների և գործողությունների մասին պատկերացում կազմելու համար Տարոն Սիմոնյանը թող հետևի այն գործընթացներին, որոնք տեղի են ունենում ՀՀ-ում և ՀՀ-ից դուրս,- ասաց իմքայլական պատգամավորը:- Ցավում եմ, որ պատգամավորը տեղյակ չէ, թե ինչպիսի գործողություններ են լինում, և իր ելույթները սկսում է այնպես, որպեսզի այդ օրն այդ ելույթի տողը մամուլում հայտնվի որպես վերնագիր»։
Արփի Դավոյանը կարծիք հայտնեց, որ Տարոն Սիմոնյանն ընտրություններին ընդառաջ առաջադրանք է կատարում և մտադիր է նախընտրական տեղ զբաղեցնել:
Մանրամասները՝ տեսանյութում:
