11.10.2026 | 11:47
Երեք քաղաքացի մոլորվել է Լանջազատի մոտակայքում․ փրկարարները գտել են նրանց
Գերմանացի բնապահպանները դատական հայց են ներկայացրել ընդդեմ «Հյուսիսային հոսք 2»-ի կառուցման
Քաղաքականություն
03.05.2021 | 23:01
Գերմանական Nabu բնապահպանական կազմակերպությունը դատական հայց է ներկայացրել ընդդեմ «Հյուսիսային հոսք 2»-ը կառուցելու՝ Գերմանիայի Դաշնային ծովային և հիդրոգրաֆիկական գործակալության (BSH) թույլտվության: Այս մասին գրում է ՌԻԱ Նովոստին։
«Դատական գործընթացը վերաբերում է Գերմանիայի բացառիկ տնտեսական գոտում գտնվող գազատարի՝ դեռևս անավարտ հատվածին»,- ասվում է Nabu-ի տարածած հայտարարության մեջ:
Դրան նախորդել է առարկության ընթացակարգը, որը սկսվել է 2018-ին և վերջին անգամ երկարացվել 2021-ի մարտին՝ երկրորդ փոփոխության հաստատումից հետո:
«BSH-ն մերժեց այս առարկությունը 2021 թվականի ապրիլի 1-ին, հետևաբար՝ Բալթիկ ծովին հասցված վնասը սահմանափակելու միակ միջոցը դատական հայցն է: Հայցադիմումի հետ կապված՝ գերմանական հատվածի շինարարական աշխատանքները դեռ թույլատրված չեն»,- նշում են Nabu-ից:
Գերմանացի բնապահպանների կարծիքով՝ «Հյուսիսային հոսք 2»-ն ուղղակիորեն «ոչնչացնում է ծովի հատակի կենսամիջավայրը ավելի քան 16 ֆուտբոլային խաղադաշտի տարածքով, իսկ ազդեցության ընդհանուր տարածքը ավելի քան տասն անգամ մեծ է»:
