30.06.2026 | 11:46
Վենեսուելայում երկրաշարժերի զոհերի թիվը գերազանցել է 1700-ը
Արցախի Կարմիր Շուկա համայնքում փայտե առանձնատներ են կառուցվում․ ՏԵՍԱՆՅՈՒԹ
Հասարակություն
30.04.2021 | 18:18
️Արցախի Մարտունու շրջանի Կարմիր Շուկա համայնքում կառուցվում են 130 փայտե առանձնատներ՝ հայտնում են ԱՀ քաղաքաշինության նախարարությունից:
Առանձնատները համապատասխանում են բոլոր չափորոշիչներին:
Ավելի վաղ ԱՀ նախագահի աշխատակազմի ղեկավար Արտակ Բեգլարյանը հայտնել էր՝ Կարմիր շուկայում մեկնարկել են նոր թաղամասի կառուցման աշխատանքները:
«Երկու օր առաջ Մարդու իրավունքների պաշտպան Գեղամ Ստեփանյանի ու գլխավոր դատախազ Գուրգեն Ներսիսյանի հետ միասին այցելել ենք Թաղավարդ ու Կարմիր շուկա համայնքներ: Ծանոթացել ենք գյուղերի անվտանգային պայմաններին, տեղահանվածների հիմնախնդիրներին և զրույցներ ենք ունեցել մի խումբ բնակիչների հետ:
Շփումների արդյունքում մեզ համար ավելի հստակ են դարձել առկա հիմնախնդիրներն ու բնակիչների մտահոգությունները, ես նրանց եմ փոխանցել տարբեր հարցերի շուրջ գործադիր իշխանության մոտեցումներն ու առաջիկա ծրագրերը: Ուրախալի էր արձանագրել, որ առկա մտահոգությունների ու մարտահրավերների պայմաններում գրեթե ոչ մի դատարկ տուն չկար, և տեղի բնակիչները շարունակում են կյանքը պլանավորել հայրենի գյուղերում:
Ամենակարևոր նորությունն այն էր, որ Կարմիր շուկա համայնքում արդեն մեկնարկել են տեղահանվածների համար կառուցվող՝ ավելի քան 100 բնակարանանոց նոր թաղամասի շինարարական աշխատանքները: Բետոնային հիմքերի կառուցմանը զուգահեռ արագորեն տեղադրվելու են արագ հավաքովի տներ և, հուսամ, կարճ ժամկետում թաղամասը պատրաստ կլինի բնակեցվելու համար»,- գրել է Բեգլարյանը:
