17.09.2026 | 13:27
Հաջիևը հայտարարել է, թե ՀՀ-ում և սփյուռքում «ռևանշիստական ուժերը» փորձում են խաթարել խաղաղությունը
Արցախի գրավյալ տարածքներում ականի վրա պայթելու հետևանքով 22 ադրբեջանցի է զոհվել
Քաղաքականություն
30.04.2021 | 17:21
Ադրբեջանի ԱԳ նախարար Ջեյհուն Բայրամովն իր լիտվացի գործընկերոջ՝ Գաբրիելիուս Լանդսբերգիսի հետ համատեղ մամուլի ասուլիսում հայտարարել է, որ Արցախի գրավյալ տարածքներում ականի վրա պայթելու հետևանքով 22 ադրբեջանցի է զոհվել։
«Ես տեղեկացրեցի իմ լիտվացի գործընկերոջը, որ անցյալ տարվա նոյեմբերի 10-ից 22 մարդ է մահացել ականի վրա պայթյունի հետևանքով։ Միջազգային հանրությունը նույնպես պետք է սրան ուշադրություն դարձնի»,- ասել է Բայրամովը։
Նա կրկին Հայաստանին մեղադրել է, որ, իբր, հայկական կողմը չի տրամադրում ականապատ տարածքների քարտեզը։
«Մեր նպատակն է՝ պայմաններ ստեղծել տեղահանվածների վերադարձի համար։ Այնտեղ հիմա ոչինչ չկա, ամեն ինչ ավերված է։ Ամեն ինչ բարդացնում է այն, որ այդ տարածքները բառացիորեն «ականներով են թունավորված»»,- ասել է Ադրբեջանի ԱԳՆ ղեկավարը։
Նշենք, որ օրերս ականի վրա պայթելու հերթական դեպքն էր գրանցվել։ Աղջաբեդի շրջանի երեք բնակիչ էր պայթել ականի վրա, նրանցից մեկը տեղում մահացել էր, մյուսները՝ վիրավորվել։
Էմմա Չոբանյան
