07.05.2024 | 15:13
Ես կողմ եմ Ալիևի գաղափարին, որ մինչև նոյեմբեր ստորագրվի պայմանագիրը. Փաշինյան. ՏԵՍԱՆՅՈՒԹ
44 զոհ և 150 վիրավոր․ Իսրայելում կրոնական տոնակատարության ժամանակ տրիբունաներ են փլուզվել
Քաղաքականություն
30.04.2021 | 11:20
Առնվազն 44 մարդ զոհվել և ավելի քան 150-ը վիրավորվել է Իսրայելի հյուսիսում գտնվող Մերոն լեռան վրա Լագ ԲաՕմեր զանգվածային տոնակատարության ժամանակ՝ տրիբունաների փլուզման հետևանքով, գրում է Haaretz-ը։
Ըստ Իսրայելի արտակարգ իրավիճակների արձագանքման խմբերի՝ տուժածներից վեցը գտնվում է ծայրահեղ ծանր վիճակում, 18-ը `ծանր:
Ոստիկանության աղբյուրներից ստացված տեղեկության համաձայն՝ խուճապ է գրանցվել այն բանից հետո, երբ որոշ հավատացյալներ սայթաքել են աստիճանների վրա, ապա վայր են ընկել նաև տասնյակ այլ մարդիկ:
נורא לראות את הצפיפות שהיתה במעבר הצר, ואת הדוחק העצום שהוביל בסוף לאסון הקשה והמחריד. pic.twitter.com/1RE7FggFXt
— ישראל כהן (@Israelcohen911) April 29, 2021
Դեպքի վայր ժամանած շտապօգնության աշխատակիցները սկսել են բուժօգնություն ցույց տալ վիրավորներին: Վեց ուղղաթիռ է ժամանել վիրավորներին տարհանելու համար։
«Ես նոր էի նստել հաց ուտելու, երբ լսեցի ճիչերը։ Մենք նետվեցինք օգնելու, իսկ հետո տեսանք մարմինները։ Սկզբում 10 էին, իսկ հիմա շատ ավելի շատ են»,- Haaretz-ին պատմել է ականատեսներից մեկը, որն օգնել է վիրավորներին։
Մանրամասները՝ տեսանյութում:
עוד תיעוד קשה מהצפיפות המחרידה. נורא. pic.twitter.com/t8TZkAcX9Q
— ישראל כהן (@Israelcohen911) April 30, 2021
Տաթև Ֆռանգյան
