09.06.2026 | 12:34
Ինչու Արփինե Սարգսյանը չի ներկայացել ԱԺ` բյուջեի կատարողականը ներկայացնելու
Թուրքիայում երեքշաբաթյա խիստ լոքդաուն է հայտարարվել
Քաղաքականություն
29.04.2021 | 20:52
Թուրքիայում մարդիկ «գրոհել» են մթերային խանութները՝ սննդամթերք պաշարելու համար։ Նրանցից շատերը շտապում են հեռանալ քաղաքներից դեպի իրենց ծննդավայրեր կամ հարավային ափեր, քանի որ երկիրը համաճարակի պատճառով անցնում է խստագույն լոքդաունի, գրում է France 24-ը։
Նախագահ Ռեջեփ Թայիփ Էրդողանը «լիակատար լոքդաուն է սահմանել ապրիլի 29-ից մինչև մայիսի 17-ը՝ COVID-19-ի նոր և մահվան դեպքերի աճի ֆոնին: Սա Թուրքիայում շուրջ երեք շաբաթ տևողությամբ առաջին համաթուրքական լոքդաունն է: Թուրքիայի կառավարությունը նախկինում նախընտրում էր կիրառել մասնակի արգելափակումներ կամ հանգստյան օրերին պարետային ժամեր հայտարարել՝ ջանալով նվազեցնել տնտեսական ազդեցությունը:
Նոր սահմանափակումների համաձայն՝ բնակիչները պարտավոր են մնալ տանը՝ բացառությամբ մթերքի գնումների և այլ անհրաժեշտ կարիքների համար տանից դուրս գալը, մինչդեռ միջքաղաքային ճանապարհորդությունները կթույլատրվեն միայն հատուկ թույլտվությամբ: Ռեստորաններին թույլատրվել է սնունդ առաքել:
