19.12.2025 | 23:10
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
ՌԴ Պետդումայից կարծում են՝ ԱՄՆ-ի կողմից Հայոց ցեղասպանության ճանաչումն անվտանգ չէ Անկարայի համար
Քաղաքականություն
29.04.2021 | 15:15
ԱՄՆ-ի կողմից Հայոց ցեղասպանության ճանաչումն սպառնում է ամերիկյան դատարաններում Թուրքիայի դեմ դատական հայցերով։ Նման կարծիք է հայտնել ՌԴ Պետդումայի միջազգային հարաբերությունների հանձնաժողովի ղեկավար Լեոնիդ Սլուցկին, գրում է ՌԻԱ Նովոստին:
«Հայոց ցեղասպանության ճանաչումը ամերիկյան դատարաններում ընդդեմ Թուրքիայի բազմաթիվ դատական հայցերով է սպառնում, և դա անվտանգ չէ պաշտոնական Անկարայի համար», – հայտարարել է Սլուցկին «Ռոսիա Սեգոդնյա» լրատվական գործակալության առցանց ճեպազրույցի ժամանակ:
Նա հավելել է, որ «անհնազանդ Անկարան նյարդայնացնում է ամերիկյան ղեկավարությանը»: Նա դա բացատրել է Ռուսաստանի Դաշնության հետ համագործակցությամբ՝ ներառյալ Թուրքիայի կողմից С-400- ի գնումը։
«Ուստի, այո, սա (S-400) Բայդենի և Պետդեպարտամենտի կողմից Հայոց ցեղասպանությունը ճանաչելու հիմքի տարբերակներից մեկն է», – ասել է Սլուցկին:
ԱՄՆ նախագահ Ջո Բայդենը շաբաթ օրը պաշտոնապես ճանաչել է Հայոց ցեղասպանությունը։ Ի պատասխան Թուրքիայի նախագահ Թայիփ Էրդողանը հայտարարել է, որ խորապես վշտացած է այս «անարդար խոսքերի համար, որոնք հիմնված չեն պատմության վրա», բայց միևնույն ժամանակ կարծիք է հայտնել, որ հունիսին Բրյուսելում՝ ՆԱՏՕ-ի գագաթնաժողովի ժամանակ Բայդենի հետ հանդիպումը նոր էջ կլինի երկկողմ հարաբերություններում։
Տաթև Ֆռանգյան
