Քաղաքականություն
29.04.2021 | 13:43Այս պահին չենք կարող ասել՝ Սյունիքում իրավիճակը անվտանգ է, որովհետև դելիմիտացիա, դեմարկացիա, պայմանագիր չունենք։ Այս մասին ԱԺ-ում լրագրողների հետ զրույցում նշեց ԱԱԾ տնօրենի տեղակալ Ստեփան Մելքոնյանը։
Նրա խոսքով՝ չեզոք գոտին ամեն պետություն կառուցելու է իր հաշվին․ «Նրանք իրենց տարածքում պետք է անեն, մենք մեր տարածքում: Պատերազմը նոր է ավարտվել, դեռ չկա պայմանագիր, կա հանձնաժողով, որը պատրաստվում է դելիմիտացիայի և դեմարկացիայի հարցերին»:
«Ռազմաքաղաքական իրավիճակն այդ հատվածում չենք կարող ասել, որ հանգիստ է և ռիսկեր չի պարունակում, ցանկացած անձի մոտ կարող է անհանգստություն լինել։ Ամբողջ բնագծով դեռ դիրքավորված են մեր և իրենց պաշտպանական զորքերը, բնագիծը դեռ վերջնական կարգավորված չէ, բայց դրա վերաբերյալ պետք է երկու պետության մեջ ժամանակի ընթացքում քննարկումներ լինել, երբ ռազմաքաղաքական իրավիճակը կհանդարտվի»,- նշեց Մելքոնյանը:
ԱԱԾ տնօրենի տեղակալը հայտարարեց՝ որևէ մեկը հստակ ասել չի կարող՝ երբ կհանդարտվի իրավիճակը և կսկսվի դելիմիտացիայի և դեմարկացիայի գործընթացները, նրա խոսքով՝ այս ուղղությամբ իրականացվում է ամենօրյա աշխատանք։
Մանրամասները՝ տեսանյութում:
