23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Տեղահանվածների համար կառուցվող բնակավայրում առաջին տների բետոնային հիմքերն ու պատերն են դրվել
Հասարակություն
29.04.2021 | 12:52
Ասկերանի Սղնախ,Մոշխմհատ, Մադաթաշեն և Ջրաղացներ գյուղերից տեղահանված բնակիչների համար Աստղաշենի տարածքում կառուցվող է նոր բնակավայրում արդեն դրվել են 10 առանձնատների բետոնային հիմքերը:
Այս մասին «Արցախպրես»-ի հետ զրույցում տեղեկացրեց քաղաքաշինության նախարարության մամուլի քարտուղար Մարտա Դանիելյանը:
Նրա հաղորդմամբ՝ ընդհանուր առմամբ կառուցվում է 170 առանձնատուն, որոնք ամբողջությամբ նախատեսվում են շահագործման հանձնվել մինչև 2022 թվականի տարեվերջ:Ըստ նախագծի՝ Ասկերանի 4 գյուղերից տեղահանված բնակչության համար կառուցվող նոր բնակավայրը կունենա նաև համայնքային կենտրոն, որտեղ տեղակայված են լինելու՝ համայնքապետարանը, բուժկետը և 200 հոգու համար նախատեսված համայնքային միջոցառումների սրահ:
Շինարարական աշխատանքներն իրականացնող «Կապավոր» ՍՊԸ գործադիր տնօրեն Արայիկ Աբաղյանի տեղեկատվությամբ էլ՝ Աարդեն կառուցվում են 2 տների պատերը, իսկ առանձնատները նախատեսում են շահագործման հանձնել 2 փուլով։
«Եթե ոչինչ չխանգարի, չլինեն՝ ֆորս-մաժորային իրավիճակներ, ապա նախատեսում ենք մոտ 50 տուն շահագործման հանձնել այս տարվա ընթացքում, իսկ մյուսները հաջորդ տարեվերջին»,-ասաց գործադիր տնօրենը:
