27.11.2024 | 21:28
ՆԳՆ-ԵՄ համագործակցությունը կընդլայնվի․ ՆԳ նախարարն ընդունել է ԵՄ պատվիրակության ղեկավարին
Moderna-ն 2022 թ. արտադրելու է մինչև 3 միլիարդ չափաբաժին պատվաստանյութ
Քաղաքականություն
29.04.2021 | 14:44
Moderna ընկերությունը, որի համահիմնադիրը և գլխավոր տնօրենը հայազգի գիտնական, գործարար և բարերար Նուբար Աֆեյանն է, պլանավորում է 2022 թվականին ողջ աշխարհին մատակարարել մինչև 3 միլիարդ չափաբաժին կորոնավիրուսի դեմ պատվաստանյութ։ Այս մասին գրում է DW-ի ռուսական ծառայությունը։
Այս նպատակին հասնելու համար իր արտադրողական հզորությունն է մեծացնում շվեյցարական Lonza ընկերությունը, որը հանդիսանում է Moderna-ի գործընկերը։
Նշվում է, որ Ֆիսպ քաղաքում պետք է սկսվեն 3 հավելյալ հոսքագծերի աշխատանքը։ Միևնույն ժամանակ Moderna-ն խոստացել է ընթացիկ տարում ավելացնել իր պատվաստանյութի մատակարարումները ՝ դրանք հասցնելով 800-ից 1 միլիարդ չափաբաժնի։
Հավելենք՝ SARS-CoV-2 կորոնավիրուսի տարածման սկզբից ի վեր վարակը հայտնաբերվել է մոլորակի ավելի քան 150 միլիոն բնակիչների մոտ: Ավելի քան 3.1 միլիոն մարդ մահացել է COVID-19- ի հաստատված ախտորոշմամբ: Առողջացել է ավելի քան 127 միլիոն հիվանդ:
Տաթև Ֆռանգյան
