19.12.2025 | 22:50
Իսրայելում ՌԴ քաղաքացի է ձերբակալվել Իրանի օգտին լրտեսության մեղադրանքով
Հաջորդ շաբաթվանից կունենանք շարժական թիմեր, որոնք ևս 1 քայլով կմոտեցնեն պատվաստման հնարավորությունը. ՏԵՍԱՆՅՈՒԹ
29.04.2021 | 10:29
Կառավարության այսօրվա նիստը մեկնարկեց կորոնավիրուսի համավարակով պայմանավորված իրավիճակի քննարկմամբ:
Ունենք կորոնավիրուսի 656 նոր դեպք. Այս պահին կորոնավիրուսով վարակված է 13 257 քաղքացի, որոնցից ավելի քան 2000-ը գտնվում են հիվանդանոցներում: Երեկ գրանցվել է մահվան 16 դեպք, մահվան դեպքերը, ցավոք, հատել են 4000-ի սահմանը»,- տեղեկացրեց ՀՀ առողջապահության նախարար Աննա Ավանեսյանը:
Առողջապահության նախարարը նաև տեղեկացրեց, որ պատվաստանյութերը հասանելի են 18 տարին լրացած յուրաքանչյուր քաղաքացու:
«Անկախ կցագրման վայրից՝ քաղաքացին կարող է իր նախընտրած պոլիկլինիկայում հերթագրվել և ստանալ պատվաստանյութը: Հաջորդ շաբաթվանից կունենանք շարժական թիմեր, որոնք տեղակայված կլինեն քաղաքի բանուկ մասերում և ևս մեկ քայլ կմոտեցնեն պատվաստման հնարավորությունը մեր քաղաքացիներին:
Պատվաստումը 100 տոկոսով պաշտպանում է հիվանդացության ծանր և ծայրահեղ ծանր ընթացքից: Պատվաստանյութից որևէ թեթև կամ ծանր կողմնակի ազդեցության ռիսկը գրեթե զրոյական է, եթե համեմատում ենք Քովիդով վարակվելու և դրա հետևանքով առողջությանը ծանր վնաս պատճառելու և, ցավոք, նաև մահվան դեպքերով»,- նշեց Ավանեսյանը՝ հորդորելով ակտիվորեն ներգրավվել պրոցեսում և հավելելով, որ երեկ ինքն ու փոխվարչապետ Տիգրան Ավինյանը պատվաստվել են և իրենց լավ են զգում:
Մանրամասները՝ տեսանյութում:
