31.10.2026 | 10:07
ՀՀ տարածքում ավտոճանապարհներն անցանելի են
Ագարակը վերջապես գազիֆիկացվելու է, իսկ համայնքապետը մտահոգված է իր մերձավորի գազալցակայանի ստուգմամբ
Քաղաքականություն
28.04.2021 | 13:25
ՀՀ ազգային ժողովի «Իմ քայլը» խմբակցության պատգամավորները ներկայացրել են օրենքի նախագիծ, որով առաջարկում են վերացնել ճանապարհային հարկի համար տրված արտոնությունը, որը, հեղինակների պնդմամբ, վերաբերում էր միայն մեկ տնտեսավարողի, ավելին՝ օրենքի կարգավորումը տրվել է հենց այդ տնտեսավարողի համար:
Հայաստանի Հանրապետության հարկային օրենսգրքում փոփոխություն կատարելու մասին օրենքի նախագիծն ԱԺ ապրիլի 28-ի արտահերթ նիստում ներկայացրեց խմբակցության պատգամավոր Սիսակ Գաբրիելյանը՝ նշելով, որ այդ նախագծով փորձում են վերացնել ժամանակին օրենքով մեկ անձի տրված մենաշնորհը:
Գաբրիելյանը պատմեց՝ 2017 թվականի վերջին Սյունիքի համայնքապետներից մեկը նամակով դիմել է այն ժամանակվա գործող վարչապետ Կարեն Կարապետյանին՝ խնդրելով, որ իր համայնքում գործարար միջավայրը բարելավելու, նոր աշխատատեղեր ստեղծելու համար Հարկային օրենսգրքում սահմանվի արտոնություն, իսկ կառավարությունն էլ հավանության է արժանացրել այդ գաղափարը:
Հիշեցնենք՝ օրեր առաջ Մեղրի համայնքի ղեկավար Մխիթար Զաքարյանը հայտարարել էր, որ փակվել է իր կնոջ «Ագարակ տերմինալ» ՍՊ ընկերությունը, որին էլ ժամանակին օրենքով տրվել է մենաշնորհը:
«Վերջերս Ագարակ համայնքում էինք, Ագարակը վերջապես գազիֆիկացվելու է, իսկ համայնքապետը մտահոգված է իր մերձավորին պատկանող գազալցակայանի ստուգումների հետ կապված»,- նշեց «Իմ քայլը» խմբակցության պատգամավոր Վագահն Ալեքսանյանը:
Մանրամասները՝ տեսանյութում:
