14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ձեր էժան ինքնահաստատումներով հեռու մնացեք Սյունիքից. Սրբուհի Գրիգորյան. ՏԵՍԱՆՅՈՒԹ
Քաղաքականություն
28.04.2021 | 11:27
Սյունիքը դարձել է Հայաստանի կիզակետը: Ես հասկանում եմ բոլոր պատճառները, թե ինչո՛ւ ենք ազգովի դարձել սյունիքագետ: Սյունիքը Հայաստանի ոչ թե պառակտող աշխարհամասը պետք է լինի, այլ միավորող: ԱԺ ամբիոնից այս մասին հայտարարել «Լուսավոր Հայաստան» խմբակցության պատգամավոր Սրբուհի Գրիգորյանը:
«Ալիևյան նկրտումների ֆոնին որոշ ուժեր շարունակում են հայրենասիրական լոզունգներով պրկված պահել մեր քաղաքացիների նյարդերը՝ կեղծ լուրեր տարածել Սյունիքի մասին՝ փորձելով ահաբեկիչ նոտաներ ուղղել Սյունիք:
«Ձեր ահաբեկիչ նոտաները, հարգելինե՛րս, փշրվում-թափվում են հենց Զանգերի (Սիսիան) մոտ: Ձեր էժան ինքնահաստատումներով հեռո՛ւ մնացեք Սյունիքից: Մենք հիմա պետք է, որ Արցախը Հայաստանին միավորելու քայլերով զբաղված լինենք, մինչդեռ Սյունիքը տարանջատելու փորձեր են արվում:
Եթե ձեր հաշվարկներն այն են, որ մարդիկ կորցրել են իրենց հիշողությունը, գուցե այդտեղ էլ սխալվում եք: Տարիներ շարունակ նաև Սյունիքում իշխանական բոլոր լծակներով մարդկանց ստիպել են անել այն, ինչ ուզել են՝ մարզպետարանից մինչև ՏԻՄ են ստիպել: Ինձ էլ են աշխատանքից ազատել միայն նրա համար, որ հանդգնել էի դեմ կանգնել պարտադրանքին ու չընտրել ԱԺ-ի իրենց ասած պատգամավորի թեկնածուին, բայց բռնությունը չի կարող երկար ճանապարհ գնալ»,- նշեց պատգամավորը:
Մանրամասները՝ տեսանյութում:
