16.01.2025 | 13:53
Հանրապետությունում շարունակվում է սեզոնային գրիպի Ա տեսակի H1pdm09 ենթատեսակի շրջանառությունը. ԱՆ
Ռուս խաղաղապահներին օգնության համար դիմել է 3600 քաղաքացի․ ՌԴ ՊՆ
Քաղաքականություն
28.04.2021 | 10:48
Ստեփանակերտում գտնվող Ռուսաստանի խաղաղապահ զորախմբի (ՌՇԿ) մարդասիրական արձագանքման կենտրոնում շարունակում է գործել քաղաքացիների ընդունելության կենտրոնը: Այն նաև ունի «թեժ գիծ»՝ անհետ կորած զինծառայողների մասին տեղեկատվություն հավաքելու, մարդասիրական օգնություն ցուցաբերելու, աշխատանքի տեղավորման հարցում օժանդակություն ցուցաբերելու և այլ խնդրահարույց հարցերի համար: Այս մասին տեղեկանում ենք ՌԴ ՊՆ կայքէջից։
«Այսօր դիմել է Լեռնային Ղարաբաղի 10 քաղաքացի: Հիմնական խնդրահարույց հարցերը մնում են անհետ կորած զինծառայողների որոնումը և գնդակոծությունների ժամանակ ավերված տների վերականգնումը: Երկու ֆերմերներ խնդրել են պայթյունավտանգ առարկաներից մաքրել իրենց հողամասերը», – հայտնել է Հումանիտար արձագանքման կենտրոնի ներկայացուցիչ Դմիտրի Սերովը:
Տեղեկացվում է, որ ընդհանուր առմամբ քաղաքացիների ընդունման կետ օգնության համար դիմել է շուրջ 3600 քաղաքացի։ Շուրջ 800 դիմում գրանցվել է «թեժ գծի» միջոցով։
Տաթև Ֆռանգյան
