14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Մենք, կարծես, միայն ՅՈՒՆԵՍԿՕ-ի տեղը գիտենք. Գագիկ Գյուրջյան. ՏԵՍԱՆՅՈՒԹ
Մշակույթ
27.04.2021 | 11:58
«Մենք պետք է բարձրացնենք բոլոր այն խնդիրները, որոնք մեզ բերել են այս վիճակին, հասկանանք, թե ինչ կորսված հնարավորություններ ունենք, որոնք կարող էինք օգտագործել և չենք օգտագործել»,- Արցախի վտանգված ժառանգությունը. մարտահրավերների հանգույցում» խորագրով համաժողովից առաջ կայացած ասուլիսում ասաց «ԻԿՈՄՕՍ Հայաստան» կենտրոնի ղեկավար Գագիկ Գյուրջյանը:
«Կարծես Հայաստանը միայն ՅՈՒՆԵՍԿՕ-ի տեղը գիտի, անընդհատ ասում ենք՝ ՅՈՒՆԵՍԿՕ, ՅՈՒՆԵՍԿՕ, բայց կան այլ միջազգային կազմակերպություններ, որոնց անդամակցում է Հայաստանը, Ադրբեջանը, կան կոնվենցիաներ, որոնք ընդունել են Հայաստանը, Ադրբեջան, որոնք զսպող շապիկ են:
Արդյո՞ք ունենք այդ կոնվենացիների՝ հնագիտական, ճարտարապետական, բնության ժառանագության մասին, հայերեն թարգմանությունները:
Ինքներս պետք է մեզ համար բացահայտենք խնդիրները, պարտավոր ենք դրանք բարձրացնենք, նորովի նայենք դրանց հնարավորությունները, օգտագործենք ի շահ մեր ժառանգության պահպանության»,- նշեց Գ. Գյուրջյանը:
Նրա խոսքով՝ կարևոր է այլ երկրներում հայագետների հնարավորությունների օգտագործումը, որն այսօր լավ չի օգտագործվում. «Մեր հայագետները, այլ ազգի ներկայացուցիչները, շատ ավելի մեծ դեր կարող են խաղալ խնդիրը միջազգայնորեն հանրայացնելու գորում»:
Մանրամասները՝ տեսանյութում:
