17.09.2026 | 12:22
100 միլիոնավոր դոլարների փոխանցած կանխավճարներ ունեինք, մեզ մեր գնած զենքը չէին տալիս․ Փաշինյան․ ՏԵՍԱՆՅՈՒԹ
Վտարել ամերիկացի զինվորականներին ու ճանաչել Ղրիմը․ Թուրքիայում հակաամերիկյան բողոքի ցույցեր են տեղի ունեցել
Քաղաքականություն
27.04.2021 | 11:47
Թուրքական Vatan (Հայրենիք) կուսակցությունն ապրիլի 26-ին բողոքի ցույց է կազմակերպել Անկարայում ԱՄՆ դեսպանատան դիմաց, որի մասնակիցները կոչ են արել փակել երկրի տարածքում ԱՄՆ ռազմաբազաները, ինչպես նաև Ղրիմը պաշտոնապես ճանաչել ռուսական։ Բողոքի ակցիան տեղի է ունեցել ի պատասխան ԱՄՆ նախագահ Ջո Բայդենի կողմից Հայոց ցեղասպանության ճանաչմանը, գրում են թուրքական ԶԼՄ-ները։
«Բայդենի գրոհին չի կարելի բառերով պատասխանել։ Քայլերի ձեռնարկումը պարտադիր է։ «Ինջերլիքի» ու «Կյուրեջիկի» ռազմաբազաները պետք է անհապաղ վերցվեն Թուրքիայի ԶՈւ վերահսկողության տակ, իսկ ամերիկյան զորքերը պետք է իրենց երկիր ուղարկվեն 15 օրվա ընթացքում»,- ասված է կուսակցության հայտարարության մեջ։
Vatan կուսակցության գլխավոր քարտուղար Օզգյուր Բուրսալին հավելել է, որ անհրաժեշտ է զարգացնել դիվանագիտական կապեր Ռուսաստանի, Իրանի և Ադրբեջանի հետ` Աբխազիայի և Հյուսիսային Կիպրոսի ինքնահռչակ թուրքական հանրապետության ճանաչման համար:
Ավելի վաղ Թուրքիայի «Հայրենիք» կուսակցության առաջնորդ Դողու Փերինչեքը կոչ էր արել ամերիկացի զինվորականներին վտարել Ինջիրլիք ավիաբազայից:
Տաթև Ֆռանգյան
