06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Վանդալիզմն Արցախի գրավյալ տարածքներում շարունակվում է․ ոչնչացվել են Շուշիի Սուրբ Ղազանչեցոց եկեղեցու դարպասներին տեղադրված հրեշտակների արձանները․ ՏԵՍԱՆՅՈՒԹ
Քաղաքականություն
26.04.2021 | 16:51
Ադրբեջանական աղբյուրների կողմից հրապարակված տեսանյութում երևում է ադրբեջանական վանդալիզմի ևս մեկ գործողություն: Մասնավորապես՝ ոչնչացվել են Շուշիի Սուրբ Ղազանչեցոց եկեղեցու դարպասներին տեղադրված հրեշտակների արձանները: Քանդված է նաև եկեղեցու շուրջ տեղադրված ցանկապատը:
Հիշեցնենք, որ Ադրբեջանը շարունակում է խոչընդոտել ՅՈՒՆԵՍԿՕ-ի առաքելության այցը ԼՂ գրավյալ տարածքներ։
Պատերազմի օրերին հսկայական վնաս է հասցվել Արցախի պատմամշակութային հուշարձաններին: Տիգրանակերտի հնագիտական ճամբարը ենթարկվեց ադրբեջանական զինված ուժերի հրետակոծությանը, կրկնակի հրթիռակոծվեց Շուշիի խորհրդանիշ Ղազանչեցոց եկեղեցին։ Այդ ժամանակահատվածում առաջ եկավ Շուշիի թանգարաններում պահվող ցուցանմուշները փրկելու հարցը: Պարզվեց՝ միայն գորգերի մասնավոր թանգարանի ցուցանմուշներն են տարհանվել հոկտեմբերին:
Երբ արդեն վճռվել էր պատերազմի ելքը, հայտնի դարձավ, որ ադրբեջանցիները պղծել են Ղազանչեցոց տաճարը։ Լրջորեն վնասվել է Շուշիի Կանաչ ժամ եկեղեցին. գրեթե ամբողջությամբ ավերվել են եկեղեցու գմբեթն ու զանգակատունը։
Բացի այդ, վանդալիզմի էր ենթարկվել Մատաղիսի Սուրբ Եղիշե եկեղեցին և Հադրութում գտնվող հայկական եկեղեցու գերեզմանոցը։
Մանամասները՝ տեսանյութում:
Տաթև Ֆռանգյան
