30.06.2026 | 16:24
Դոհայում ԱՄՆ-Իրան ուղիղ բանակցություններ չեն անցկացվի
Բայդենի կողմից Հայոց ցեղասպանության ճանաչումից հետո թուրքական լիրան ռեկորդային անկում է գրանցել
Քաղաքականություն
26.04.2021 | 13:19
Թուրքական լիրան այսօր ռեկորդային անկում է գրանցել այն բանից հետո, երբ ԱՄՆ նախագահ Ջո Բայդենը ճանաչեց Հայոց ցեղասպանությունը, ինչն է՛լ ավելի վատթարացրեց երկու երկրների հարաբերությունները, գրում է Ahval գործակալությունը։
Լիրայի փոխարժեքը նվազել է 1․2 տոկոսով՝ մեկ դոլարի դիմաց հասնելով 8․48 դոլարի։ Նախորդ ռեկորդային մինիմումը գրանցվել էր անցյալ տարի նոյեմբերին՝ 8․58 դոլար։
Նշվում է, որ թուրքական լիրան սկսել է դոլարի համեմատ ռեկորդային մակարդակի նվազել 2018 թվականի ճգնաժամից հետո, երբ մեկ այլ քաղաքական ճեղվածք էր առաջացել ԱՄՆ-ի հետ հարաբերություններում՝ կապված ահաբեկչության մեղադրանքով ամերիկացի քահանայի կալանքի հետ։ Նախկին նախագահ Դոնալդ Թրամփն այն ժամանակ Թուրքիային ճնշելու համար պատժամիջոցներ սահմանեց։
Բացի այդ, Վաշինգտոնն ու Անկարան հակասության մեջ են Թուրքիայի կողմից ռուսական S-400 համակարգերի գնման պատճառով, ինչն ԱՄՆ-ին դրդեց Թուրքիային հեռացնել F-35 կործանիչների ծրագրից։
Լրատվամիջոցը նշում է, որ թուրքական լիրան սկսել է նվազել նաև Կենտրոնական բանկի նախագահ Շահապ Քավչօղլուի՝ ուրբաթ օրվա այն հայտարարությունից հետո, որ դրամավարկային քաղաքականություն մշակողները չեն պատրաստվում տոկոսադրույքները բարձրացնել։
Թուրքիայի ընդդիմադիր կուսակցություններն կառավարությանը կոչ են անում հաշվետվություն ներկայացնել արտարժույթի պահուստների կորստի մասին, որոնք, նրանց կարծիքով, 128 մլրդ դոլար են կազմում։
Էմմա Չոբանյան
